The news is by your side.

عمران خان کا نواز شریف کو چیلنج

گوجرانولہ: چیئرمین تحریک انصاف عمران خان نے نواز شریف کو چیلنج کیا ہے کہ تم جب بھی واپس آؤ گے، تمہارے حلقے میں تمہیں ہراؤں گا۔

تفصیلات کے مطابق چیئرمین تحریک انصاف عمران خان نے حقیقی آزادی مارچ کے شرکاء سے خطاب کرتے ہوئے کہا کہ میں نواز شریف نہیں جو ملک سے باہر بھاگ جاؤں گا، نواز شریف نے مشرف کے گھٹنے پکڑ کر این آراو لیا۔

عمران خان کا کہنا تھا کہ نواز شریف کی میڈیکل رپورٹس میں بھی دھاندلی کی گئی، نواز شریف سوچ رہا ہے این آر او لے گا اور واپس آجائے گا۔

چیئرمین تحریک انصاف نے کہا کہ ہم سب ملکر ڈاکو نواز شریف کا استقبال کریں گے، سیدھا ایئر پورٹ سے تمہیں اڈیالہ جیل لیکرجائیں گے۔

سابق وزیراعظم کا کہنا تھا کہ نوازشریف تم جب بھی واپس آؤ گے چیلنج کرتا ہوں تمہارے حلقے میں تمہیں ہراؤں گا۔

انھوں نے مزید کہا کہ قوم سن لو یہ وقت ہے خود کو حقیقی طور پر آزاد کرنے کا ہے، ہم انصاف کے ذریعے اس ملک کو حقیقی طور پر آزاد کریں گے، ہم انصاف کیلئے قانون کی بالادستی کیلئے جنگ لڑیں گے۔

Comments

یہ بھی پڑھیں