عالمی میڈیا پر اسرائیل کو مظلوم بنا کر پیش کیا جاتا ہے،عمران خان -
The news is by your side.

Advertisement

عالمی میڈیا پر اسرائیل کو مظلوم بنا کر پیش کیا جاتا ہے،عمران خان

لندن: فلسطین پر اسرائیلی مظالم کے خالف عمران خان کا لندن سے مذمتی ویڈیو بیان آیا ہے جس میں انہوں نے عالمی میڈیا کی جانب سے اسرائیل کو مظلوم بنا کر پیش کرنے پر سخت تنقید کی ہے۔

اپنے ویڈیو بیان میں سربراہ پاکستان تحریک انصاف نے کہا کہ ظلم کی انتہا یہ ہے کہ میڈیا پر ایسا تاثر دیا جارہا ہے کہ فلسطین میں دو برابر کی قوتوں کے درمیان جنگ جاری ہے جب کہ حقیقت یہ ہے کہ فلسطین میں ایک طرف دینا کی سب سے طاقت ور فوج ہے اور دوسری جانب نہتے عوام ہیں جن پر ایف 16 طیاروں سے بمباری کی جا رہی ہے، درحقیقت فلسطین میں ریاستی دہشت گردی ہو رہی ہے۔

سربراہ پی ٹی آئی عمران خان نے کہا میں بحثیت پاکستانی اس ریاستی دہشت گردی کی سخت الفاظ میں مذمت کرتا ہوں،اسرائیل کا نہتے عوام پر ظلم اپنی حدیں پار کررہا ہے مجھ سے ٹی وی پر ظلم و بربریت کی داستان نہیں دیکھی جا رہی ہے۔

انہوں نے مزید کہا کہ اگر ایسی انتہا پسندی کوئی اور کرتا تو عالمی میڈیا ایک طوفان اُٹھا دیتی اور عالمی ادارے اُس کے خلاف نہ جانے کون کون سی پابندیاں عائد کر دیتے مگر اسرائیل کے خلاف سب خاموش ہیں۔

آخر میں پاکستان تحریک انصاف کے سربراہ عمران خان نے دعا کی کہ اللہ فلسطینیوں کو صبر دے اور طاقت دے کہ اسرائیلی جبر سے آزاد ہو سکیں۔

Comments

comments

یہ بھی پڑھیں