The news is by your side.

Advertisement

عمران خان کی اے آروائی نیوز کے خلاف حکومت کی انتقامی کارروائیوں کی مذمت

پشاور : سابق وزیراعظم عمران خان نے اے آروائی نیوز کے خلاف حکومت کی انتقامی کارروائیوں کی مذمت کرتے ہوئے کہا کہ یہ میڈیا کی آواز بند کرنے کی کوشش کررہے ہیں۔

تفصیلات کے مطابق سابق وزیراعظم اور تحریک انصاف کے چیئرمین عمران خان نے پریس کانفرنس کے دوران اے آروائی نیوز کے خلاف حکومت کی انتقامی کارروائیوں کی مذمت کی۔

عمران خان کا کہنا تھا کہ حکومت میڈیا کی آواز بند کرنے کی کوشش کررہی ہے، خاص طور پر اےآروائی نیوز پر کریک ڈاؤن کر رہے ہیں۔

سابق وزیراعظم نے کہا کوریج کرنا سب کا حق ہے، جو ان کیساتھ ہیں ان کو کوریج کرنے دے رہے ہی ، سوائے فیک نیوز کے ہمارے دورمیں ہم نے میڈیا کو کچھ نہیں کہا گیا۔

انھوں نے کہا صحافیوں کو سلام پیش کرتا ہوں جو آج حق کیلئے کھڑے ہیں ، حق کیلئے کھڑے صحافیوں کیخلاف آج مقدمات کئے جارہے ہیں ، صحافیوں کو ڈرایا دھمکایا جارہا ہے، مجھے معلوم ہے کہ باہر سے پیسہ کہاں سے آیا اور کس صحافی کو دیا گیا۔

خیال رہے پیمرا کی جانب سے کیبل آپریٹرز کو اے آر وائی نیوز کی نشریات کی بندش کے احکامات جاری کئے گئے ، جس کے بعد ملک کے مختلف شہروں میں اے آر وائی نیوز کی نشریات بند کردی گئیں۔

کئی شہروں میں پیمرا کے اہلکار نشریات رکوانے کیبل آپریٹرز کے پاس خود گئے، اسلام آباد میں نیاٹیل نے اے آروائی نیوزکی نشریات بندکردیں جبکہ کراچی اور سکھر میں اے آروائی نیوز کی نشریات میں خلل اور آخری نمبر پر ڈال دیا گیا۔

Comments

یہ بھی پڑھیں