پی ٹی آئی چیئرمین اور سابق وزیراعظم عمران خان نے سینیئر صحافی اور نامور اینکر ارشد شریف کی شہادت پر گہرے دکھ اور افسوس کا اظہار کیا ہے۔
عمران خان نے سماجی رابطوں کی ویب سائٹ ٹوئٹر پر اپنے تعزیتی پیغام میں کہا ہے کہ ارشد شریف کے بہیمانہ قتل پر صدمہ ہوا، آج پوری قوم ارشد شریف کے جاں بحق ہونے پر سوگوار ہے۔
سابق وزیراعظم نے ارشد شریف کی شہادت کے واقعے کی عدالتی تحقیقات کا مطالبہ کرتے ہوئے کہا کہ شواہد کی جانچ کیلیے مناسب عدالتی تحقیقات کا آغاز ہونا چاہیے۔
پی ٹی آئی چیئرمین کا کہنا تھا کہ ارشد شریف نے اپنی جان دے سچ بولنے کی قیمت ادا کی ہے، اس سے قبل انہیں اپنے وطن کو چھوڑ کر بیرون ملک روپوش ہونا پڑا تھا۔
My prayers and condolences go to his grief stricken family.
— Imran Khan (@ImranKhanPTI) October 24, 2022
سابق وزیراعظم نے اپنے ٹوئٹ میں مزید کہا کہ ارشد شریف سوشل میڈیا پر لوگوں کو بے نقاب کرتا تھا اور سچ بولتا تھا، ہم سفاکیت کی بدترین صورتحال سے دوچار ہیں، مہذب معاشرے میں ایسا نہیں ہوتا۔
Shocked at the brutal murder of Arshad Sharif who paid the ultimate price for speaking the truth – his life. He had to leave the country & be in hiding abroad but he continued to speak the truth on social media, exposing the powerful. Today the entire nation mourns his death.
— Imran Khan (@ImranKhanPTI) October 24, 2022
واضح رہے کہ کینیا میڈیا نے مقامی پولیس کے حوالے سے رپورٹ کیا ہے کہ ارشد شریف پولیس کی گولی لگنے سے جاں بحق ہوئے۔
یہ بھی پڑھیں: ارشد شریف پولیس کی گولی لگنے سے جاں بحق ہوئے، کینیا میڈیا
میڈیا رپورٹ کے مطابق پولیس افسر نے بھی اس بات کی تصدیق کی ہے اور کہا ہے کہ حادثہ غلط فہمی کی بنا پر پیش آیا ہے۔
