The news is by your side.

Advertisement

بی آر ٹی پشاور کو گولڈ اسٹینڈرڈ سروس کا درجہ حاصل، وزیراعظم کی کے پی حکومت کومبارکباد

اسلام آباد : وزیراعظم عمران خان نے بی آر ٹی پشاور کو بین الاقوامی گولڈ سٹینڈرڈ سروس کا درجہ ملنے پر خیبرپختونخوا حکومت کو مبارکباد دی۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر بی آر ٹی کی انٹرنیشنل ٹیکنیکل اسٹینڈرڈ کمیٹی کی جانب سے پشاور بی آر ٹی کو گولڈ سٹینڈرڈ بی آر ٹی سروس کا درجہ دینے پر خیبرپختونخوا حکومت کو مبارکباد دی۔

عمران خان نے کہا بی آرٹی پشاور کوانٹرنیشنل ٹیکنیکل اسٹینڈرڈکمیٹی نے97 فیصد نمبر دیے، جس کا مطلب ہے کہ گولڈ اسٹینڈرڈ بی آرٹی کو سروس کے طور پر تسلیم کیا۔

ان کا مزید کہنا تھا کہ پشاوربی آرٹی نے پبلک ٹرانسپورٹ کےنظام میں انقلاب برپا کیا، پشاور بی آرٹی میں اب تک 71ملین سے زیادہ لوگوں نے سفر کیا اور روزانہ ڈھائی لاکھ سے زیادہ مسافر سفر کرتے ہیں، جس مین 20 فیصد خواتین اور 60 فیصد کم آمدنی والے افراد شامل ہیں۔

یاد رہے بی آر ٹی اسٹینڈرڈ کی ٹیکنیکل کمیٹی نے پشاور بس ریپڈ ٹرانزٹ سسٹم کو سروسز کے اعتراف میں گولڈ اسٹینڈرڈ سروس کا درجہ دیا، جو کسی بھی بی آر ٹی سسٹم کیلئے بین الاقوامی سطح پر تسلیم شدہ اعلیٰ ترین معیار ہے۔

خیال رہے بی آر ٹی اسٹینڈرڈ کی ٹیکنیکل کمیٹی عالمی سطح پر معروف اور تسلیم شدہ بی آر ٹی ماہرین پر مشتمل ہے جو عالمی سطح پر تسلیم شدہ بہترین معیار کے مطابق بین الاقوامی بس ریپڈ ٹرانزٹ کا جائزہ لینے کی صلاحیت رکھتی ہے۔

Comments

یہ بھی پڑھیں