The news is by your side.

‘عمران خان آج رہنماؤں کو پرویز الٰہی کو جلد اسمبلیاں تحلیل پر راضی کرنے کا ٹاسک دیں گے’

لاہور : چیئرمین تحریک انصاف عمران خان آج کور کمیٹی کے اجلاس میں رہنماؤں کو پرویز الٰہی کو جلد اسمبلیاں تحلیل پر راضی کرنے کا ٹاسک دیں گے۔

تفصیلات کے مطابق چیئرمین تحریک انصاف عمران خان نے کور کمیٹی کا اجلاس شام 4بجے طلب کر لیا ، جس میں عمران خان پرویز الٰہی کے بیان پر ارکان سے مشاورت کریں گے۔

ذرائع نے بتایا ہے کہ اسمبلی کب تحلیل اور جنرل انتخابات کے حوالے سے رائے لی جائیں گی جبکہ الیکشن کمیشن اور سیاسی رہنماؤں کیخلاف کیسز کے حوالے سے بھی مشاورت ہو گی۔

پرویز خٹک اور اسد قیصر سے حکومتی رابطوں کا معاملہ بھی زیر غورلایا جائے گا، عمران خان رہنماؤں کو پرویز الٰہی کوجلداسمبلیاں تحلیل پر راضی کرنے کا ٹاسک دیں گے۔

اس حوالے سے ترجمان پنجاب حکومت مسرت جمشید چیمہ نے اپنے بیان میں کہا ہے کہ عمران خان نےسینئر پارٹی رہنماؤں کا اجلاس طلب کرلیا ہے، آج سہ پہر 4بجےپارٹی رہنمازمان پارک اجلاس میں شرکت کریں گے۔

مسرت جمشید چیمہ کا کہنا تھا کہ اجلاس میں شاہ محمود قریشی، اسد عمر، فوادچوہدری ،جمشیدچیمہ ،شفقت محمود ، اسلم اقبال،حماد اظہر،محمودخان ، پرویز خٹک ، علی زیدی، قاسم سوری ، علی امین گنڈاپور اور دیگر رہنما شریک ہوں گے۔

ترجمان پنجاب حکومت نے کہا کہ الیکشن کراؤ، ملک بچاومہم کا دائرہ ملک بھر میں پھیلانے پر مشاورت کی جائے گی اور الیکشن تیاری ، معاشی صورتحال جیسے اہم امور زیر غور آئیں گے۔

Comments

یہ بھی پڑھیں