The news is by your side.

Advertisement

عمران خان کا ن لیگ کی بڑی وکٹ گرانے کا اشارہ

پی ٹی آئی چیئرمین نے سیکیورٹی وجوہات پر اندرون لاہور کا دورہ منسوخ کر دیا

لاہور: پی ٹی آئی چیئرمین عمران خان نے اندورن لاہور کا دورہ منسوخ‌ کر دیا اور اسلام آباد روانہ ہوگئے.

تفصیلات کے مطابق عمران خان اندرون لاہور کا دورہ منسوخ کرکے اسلام آباد روانہ ہوگئے ہیں، موصولہ اطلاعات کے مطابق یہ دورہ کوئٹہ میں ہونے والے دھمکوں کے بعد سیکیورٹی خطرات کے پیش نظر منسوخ کیا گیا.

تحریک انصاف سونامی پلس بننے والی ہے، بڑی تبدیلیاں رونما ہوں گی

عمران خان

اس موقع پر عمران خان نے میڈیا سے بات کرتے ہوئے کہا کہ مسلم لیگ (ن) کی ایک اور اہم وکٹ گرنے والی ہے، پارٹی میں ایک سیلاب آرہا ہے.

انھوں نے کہا کہ تحریک انصاف سونامی پلس بننے والی ہے، ایک عوام کی سونامی آئے گی اورایک پی ٹی آئی کے اندرسے آئے گی، بڑی تبدیلیاں رونما ہوں گی.

ایک صحافی کے سوال پر کہ کیا چوہدری نثارنے بالآخر پی ٹی آئی میں‌ شمولیت کا فیصلہ کرلیا ہے؟ عمران خان یہ میں ابھی نہیں بتاؤں گا، تھوڑا انتظار کریں.

اس موقع پر عمران خان سے میڈیا نے سوال کیا کہ کیا وہ طبیعت کی خرابی کی وجہ سے جلد جا رہے ہیں؟ جس کے جواب میں عمران خان خان نے کہا کہ کیا میں آپ کو بیمار لگ رہا ہوں.

یاد رہے کہ پاکستان تحریک انصاف کے سربراہ عمران خان وطن واپس پہنچے تھے، اُنھوں نے آج داتا دربارہ پر حاضری دینے کے بعد مہم سازی کا آغاز کرنے کا اعلان کیا تھا، تاہم یہ دورہ اچانک منسوخ‌ کر دیا گیا.

اس موقع پر عمران خان نے کوئٹہ میں پولیس اہلکاروں پرحملے کی شدید مذمت کرتے ہوئے کہا کہ  حملہ شرپسندی کی مربوط کارروائی ہے، دشمن ملک میں افراتفری اورانتشار کا خواہاں ہے، حملے کے ذمہ دار کسی نرمی، رعایت کے مستحق نہیں۔

انھوں نے مطالبہ کیا کہ جامع تحقیقات کے ذریعےذمہ داروں کو کٹہرے میں لایا جائے۔


عمران خان کی وطن واپسی، داتا دربارہ پرحاضری اور مہم سازی کاآغاز آج کریں گے


Comments

comments

یہ بھی پڑھیں