site
stats
پاکستان

عمران خان کا عائشہ گلالئی کوپارٹی سے نکالنے کا فیصلہ

اسلام آباد: پاکستان تحریک انصاف کے چیئرمین عمران خان نے عائشہ گلالئی کو پارٹی سے بر طرف کرنے کا فیصلہ کرلیا، انکا کہنا ہے کہ عائشہ گلالئی کیخلاف آرٹیکل63 اے کے تحت کارروائی عمل میں لائی جائے۔

تفصیلات کے مطابق پی ٹی آئی چیئرمین عمران خان نے عائشہ گلالئی کو پارٹی سے نکالنے کا فیصلہ کرلیا اور الیکشن کمیشن اور اسپیکر قومی اسمبلی سے بھی کارروائی کی درخواست کی ہے۔

عمران خان کا کہنا ہے کہ عائشہ گلالئی کیخلاف آرٹیکل63 اے کے تحت کارروائی عمل میں لائی جائے، پارٹی سے انحراف کے بعد عائشہ گلالئی پارٹی کی ذمہ دار نہیں رہیں، کارروائی کا فیصلہ پارٹی قیادت کی مشاورت سے کیا جارہا ہے، فیصلے میں بطور پارٹی چیئرمین اختیارات کا استعمال کیا ہے، آپ معطلی کے بعد شوکازنوٹس کا جواب دینے میں بھی ناکام رہیں۔

عمران خان نے عائشہ گلالئی کو بھی آخری نوٹس بھجوادیا ہے اور نوٹس کی کاپی اسپیکر قومی اسمبلی ،چیف الیکشن کمیشن کوبھجوا دی گئی ہے۔

اد رہے عائشہ گلالئی نے تحریک انصاف چھوڑنے کا اعلان کیا اور پریس کانفرنس کرتے ہوئے پی ٹی آئی پر سنگین الزام جبکہ عمران خان اور رہنماؤں کے کردار پرانگلی اٹھادی تھی۔


مزید پڑھیں :  تحریک انصاف میں خواتین کی عزت محفوظ نہیں، عائشہ گلالئی


عائشہ گلالئی نے کہا تھا کہ پارٹی میں عزت دارخواتین کی عزت نہیں، چئیرمین خود بھی خواتین کی عزت نہیں کرتے،  پارٹی میں اخلاقیات نہیں اس لیے چھوڑنے کا فیصلہ کیا۔

انہوں نے الزام عائد کیا تھا کہ تحریک انصاف کے چیئرمین اور قیادت خواتین کارکنان کو نازیبا میسجز کرتی ہے، جس کی وجہ سے کئی خواتین کارکنان نالاں ہیں، میں این اے ون کا ٹکٹ نہیں مانگا، نہ ہی جلسے میں تقریر کا معاملہ تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top