The news is by your side.

Advertisement

عمران خان ایون فیلڈ ریفرنس کا فیصلہ آتے ہی رد عمل کا اظہار کریں گے

اسلام آباد : پاکستان تحریک انصاف کے سربراہ عمران خان ایون فیلڈ ریفرنس کا فیصلہ آتے ہی ردعمل کا اظہار کریں گے ، جس کے لئے انھوں نے میڈیا سے گفتگو کے انتظامات کرنے کی ہدایت کردی ہے۔

تفصیلات کے مطابق پی ٹی آئی چیئرمین عمران خان احتساب عدالت کا فیصلہ بنی گالہ میں سنے گے، انھوں نے احتساب عدالت کے فیصلے پر رد عمل دینے کا فیصلہ کیا ہے ، جس کے لئے عمران خان کی جانب سے پارٹی قیادت سے مشاورت مکمل کرلی ہے۔

عمران خان نے میڈیا سے گفتگو کے انتظامات کرنے کی ہدایت کردی ہے ، وہ احتساب عدالت کا فیصلہ آتے ہی ردعمل کا اظہار کریں گے۔

دوسری جانب احتساب عدالت کا فیصلہ آتے ہی پاکستان تحریک انصاف نے شریفوں کے احتساب سے متعلق خصوصی دستاویزی فلم جاری کریں گی، فلم فیصل جاوید خان کی جانب سے تیار کی گئی ہے۔

دستاویزی فلم میں تحریک انصاف کی جدوجہد کے مختلف مراحل کو دکھایا گیا ہے جبکہ چیئرمین تحریک انصاف کی تاریخی تقاریر کے مختلف حصے بھی فلم میں شامل ہیں۔

دستاویزی فلم میں عمران خان کی ثابت قدمی اور مضبوط ارادے کو خراج تحسین بھی پیش کیا گیا ہے جبکہ ملک بھر میں بڑے عوامی اجتماعات کے مناظر بھی فلم کا حصہ ہے۔

یاد رہے کہ احتساب عدالت نے سابق وزیراعظم نوازشریف اوران کی صاحبزادی مریم نواز کی جانب سے ایون فیلڈ ریفرنس کا فیصلہ مؤخر کرنے کی درخواست مسترد کردی تھی۔

احتساب عدالت ایون فیلڈ ریفرنس پر فیصلہ ساڑھے2.30 بجے سنائے گی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں