تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

عمران خان کا ارسلان تاج کی فوری رہائی کا مطالبہ

پاکستان تحریک انصاف کے چیئرمین عمران خان نے پارٹی کے رکن سندھ اسمبلی ارسلان تاج کی فوری رہائی کا مطالبہ کیا ہے۔

اے آر وائی نیوز کے مطابق پاکستان تحریک انصاف کے چیئرمین اور سابق وزیراعظم عمران خان نے اپنی پارٹی کے رکن سندھ اسمبلی ارسلان تاج کی گرفتاری کی مذمت کرتے ہوئے فوری رہائی کا مطالبہ کیا ہے۔

عمران خان نے اپنے ٹویٹ میں کہا ہے کہ جمہوریت کے پرخچے اڑانے کے ساتھ ساتھ قانون کی حکمرانی کو تار تار کیا جا رہا ہے۔ پی ٹی آئی کراچی کے جنرل سیکریٹری ارسلان تاج گھمن کو آج صبح اٹھا لیا گیا۔

چیئرمین پی ٹی آئی نے کہا کہ میں ارسلان تاج کی فوری رہائی کا مطالبہ کرتا ہوں۔

 

واضح رہے کہ پولیس نے آج صبح کراچی میں پی ٹی آئی کے اراکین سندھ اسمبلی خرم شیر زمان، راجا اظہر، ارسلان تاج کے گھروں پر پولیس نے چھاپے مارے جب کہ پی ٹی آئی کراچی کے جنرل سیکریٹری ارسلان تاج کو سادہ لباس اہلکار گھر سے گرفتار کرکے لے گئے۔

ارسلان تاج کی گرفتاری کے بعد ان کی والدہ نے میڈیا سے گفتگو کرتے ہوئے بتایا کہ آج صبح 6 بجے سادہ لباس میں پولیس اہلکار ان کے گھر کی دیواریں پھلانگ کر آئے اور مرکزی دروازہ توڑ کر گھر کے اندر داخل ہوئے۔

انکا کہنا تھا کہ اس چھاپے میں پولیس خواتین اہلکاروں اور بغیر وارنٹ کے گھر میں داخل ہوئی۔ 20 سے 25 لوگ تھے جنہوں نے ارسلان کو اٹھایا۔

پی ٹی آئی رہنما کی والدہ کا کہنا تھا کہ میرا بیٹا معصوم ہے۔ اسے دہشتگردوں کی طرح لے جایا گیا ہے۔ کیا ہم قائد کے پاکستان میں رہ رہے ہیں؟

Comments

- Advertisement -