The news is by your side.

Advertisement

مقبوضہ کشمیر سے متعلق ملائیشیا کے مؤقف کو سراہتے ہیں، وزیر اعظم عمران خان

اسلام آباد : وزیر اعظم عمران خان سے ملائیشین ہم منصب کے نمائندہ خصوصی نے ملاقات کی، جس میں دو طرفہ تعلقات اور کشمیر میں انسانی حقوق کی خلاف ورزیوں پر بھی تبادلہ خیال کیا گیا۔

تفصیلات کے مطابق وزیر اعظم عمران خان سے ملائیشین ہم منصب کے نمائندہ خصوصی داتک ویرا حاجی مرزک نے ملاقات کی اس موقع پر شاہ محمود قریشی اور دیگر بھی موجود تھے۔

ملائیشیا کے نائب وزیر خارجہ نے وزیراعظم کو ملائیشیا میں ہونے والی کانفرنس کی دعوت دیتے ہوئے کہا کہ کوالالمپور میں دو روزہ سربراہ کانفرنس ہورہی ہ، جس میں ہم آپ کی شرکت کے متمنی ہیں۔

وزیراعظم عمران خان نے کانفرنس میں شرکت کی دعوت قبول کرلی، اس موقع پر وزیر اعظم عمران خان کا پاک ملائیشیا تعلقات مزید مضبوط کرنے کے عزم کا اظہار کرتے ہوئے کہنا تھا کہ دنیا کو مقبوضہ کشمیر میں کرفیو کے خاتمے اور مسئلہ کے پرامن حل کے لیے اپنا بھرپور کردار ادا کرنا چاہیے۔

وزیر اعظم کی ملاقات سے متعلق جاری اعلامیہ میں کہا گیا ہے کہ وزیراعظم عمران خان نے مقبوضہ کشمیر کے حوالے سے ملائیشیا کے مؤقف کو سراہا۔

وزیراعظم نے مقبوضہ کشمیر میں لاک ڈاؤن پر بات کی، اس کے علاوہ مقبوضہ کشمیر میں انسانی حقوق کی خلاف ورزیوں پر بھی بات کی گئی۔

fb-share-icon0
Tweet 20

Comments

comments

یہ بھی پڑھیں