اٹک : تحریک انصاف کے سربراہ عمران خان نے کے پی کے کارکنان کو فوری طور پر ہارون آباد پل پر پہنچ کر وزیراعلیٰ خیبرپختونخواہ کے قافلے کے ساتھ شامل ہو جانے کی ہدایت کی ہے۔
تفصیلات کے مطابق خیبر پختونخواہ سے تحریک انصاف کے کارکنان اسلام آباد جانے کے لیے ہارون آباد پل پر جمع ہو گئے ہیں جنہیں روکنے کے لیے پنجاب پولیس کی بھاری نفری نے آنسو گیس کی شیلنگ جب کہ دو ہیلی کاپٹرز فضائی نگرانی کے لیے کرتے رہے بعد ازاں ہیلی کاپٹرز نے پُل پر کچھ لمھوں کے لیے لینڈنگ کے بعد پرواز کر گئے۔
دوسری جانب کے پی کے کے وزیر اعلٰی اپنے قافلے کے ہمراہ لائے گئے کرین کے ذریعے کنٹینرز کو ہٹانے کی کوشش کر رہے ہیں جب کہ پولیس انہیں منتشر کرنے کے لیے آنسو گیس کی شیلنگ اور ربڑ کی گولیاں استعمال کر رہی ہے۔
صورت حال کا سنگین رُخ اختیار کرنے کے بعد تحریک انصاف کے سربراہ عمران نے سماجی رابطے کی ویب سائیٹ پر اپنے ایک پیغام میں کے پی کے سے تعلق رکھنے والےکارکنان اور جمہوریت پسند عوام کو ہارون آباد پُل پہنچنے کی ہدایت کر دی ہے۔
1. Want all PTI workers & democratic ppl of KP to go to Haroonabad bridge & support brave CM & his entourage being shelled by Punjab police
— Imran Khan (@ImranKhanPTI) October 31, 2016
اپنے پیغام میں عمران خان نے کہا کہ وزیر اعلی پختونخواہ اور کارکنان کو ریاستی جبر کے ذریعے اسلام آباد جانے سے روکا جا رہا ہے۔
2. CM KP + entourage being prevented violently from exercising his democratic right to travel to Bani Gala.
— Imran Khan (@ImranKhanPTI) October 31, 2016
اپنے پیغام میں سربراہ تحریک انصاف عمران خان نے وفاقی کی جانب سے کیے گئے غیر آئینی اور غیر قانونی اقدام کو شرمناک عمل قرار دیتے ہوئے سخت الفاظ میں مذمت کی ہے۔
3. Shameful how KP CM under attack by Punjab govt. Constitution being violated shamelessly by federal and Punjab govts.
— Imran Khan (@ImranKhanPTI) October 31, 2016
انہوں نے مزید کہا کہ پنجاب پولیس کی جانب سے تشدد اور جبر کے باوجود وزیراعلیٰ کے پی کے اور کارکنان پُر امن ہیں اور قانون کو اپنے ہاتھ میں نہیں لے رہے ہیں جس پر وہ خراج تحسین کیے مستحق ہیں۔
4. Despite shelling by Punjab police, PTI workers and CM KP not using violence or KP police to show their commitment to peaceful protest.
— Imran Khan (@ImranKhanPTI) October 31, 2016
عمران خان نے اپنے پیغام میں خیبر پختونخواہ کی پولیس کی کارکردگی کی تعریف کرتے ہوئے کہا کہ کے پی کے نے پُر امن احتجاج کو کسی بھی موقع پر سبوتاژ نہیں کیا۔
