اسلام آباد : پاکستان تحریک انصاف کے سربراہ عمران خان نے کارکنوں کو عائشہ گلالئی کی بہن پر تنقید سے روک دیا اور کہا کہ مسلم لیگ ن اب کردار کشی پر اتر آئی ہے، وقت کے ساتھ ضمیر بیچنے والے خود بے نقاب ہوں گے۔
تفصیلات کے مطابق پی ٹی آئی کے چیئرمین عمران خان نے سماجی رابطے کی ویب سائٹ ٹوئٹر پر اپنے پیغام میں کارکنوں کو عائشہ گلالئی کی بہن پر تنقید سے روک دیا اور کہا کہ عائشہ گلالئی کی بہن کو ٹارگٹ کرنا فوری طور پر بند کریں۔
My request to all PTI supporters is to immediately refrain from targeting Ayesha Gulalai’s sister.
— Imran Khan (@ImranKhanPTI) August 3, 2017
عمران خان نے ایک اور ٹوئٹ میں کہا کہ ن لیگ کی مجھے نااہل کرانے کی کوششیں ناکام ہوں گی، مسلم لیگ ن اب کردار کشی پر اتر آئی ہے، مسلم لیگ(ن)جو کرسکتی تھی وہ کر رہی ہے، وقت کے ساتھ ضمیر بیچنے والے خود بے نقاب ہوں گے۔
After seeing their efforts to get me disqualified & their smear campaigns ag me all fail, PMLN is moving to do what it does best:
— Imran Khan (@ImranKhanPTI) August 3, 2017
کپتان کا کہنا تھا کہ ن لیگ کے پی کےحکومت کو گرانے کی کوشش کررہی ہےخریدوفروخت ان کاوتیرہ ہے،وقت کےساتھ ضمیرفروخت کرنےوالے خودبے نقاب ہوں گے۔
Try & purchase it’s a way into toppling the legitimate KP govt. Rest assured there will be no counter offers/Changa Mangas. https://t.co/0dCmlHHGjd
— Imran Khan (@ImranKhanPTI) August 3, 2017
پی ٹی آئی چیئرمین نے ٹوئٹ میں لکھا میرشکیل الرحمان اورنوازشریف کی مافیا کو چیلنج کرتاہوں، جتنا گرسکتے ہو گرجاؤ،جتنا برا کرسکتے ہو کرو، میری جدوجہد اور پارٹی مزید مضبوط ہوتی جائے گی۔
My challenge to Sharif-MSR mafia is: Do your worst; stoop as low as you can; me & my struggle-hardened party will become ever stronger IA
— Imran Khan (@ImranKhanPTI) August 2, 2017
خیال رہے کہ عائشہ گلالئی کے عمران خان پر الزامات کے بعد پی ٹی آئی رہنما بھی کپتان کے دفاع میں نکل آئے ہیں، پی ٹی آئی رہنماؤں نے عائشہ گلا لئی کے الزامات کو مسترد کردیا ہے۔
