تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عمران خان نے زمان پارک میں دہشت گردوں کی موجودگی کے الزام کو بے بنیاد قرار دے دیا

لاہور : چیئرمین پاکستان تحریک انصاف اورسابق وزیراعظم عمران خان نے زمان پارک میں دہشت گردوں کی موجودگی کے الزام کو بے بنیاد قرار دیتے ہوئے جناح ہاؤس پر حملے کی مذمت کردی۔

تفصیلات کے مطابق چیئرمین تحریک انصاف عمران خان نے کمرہ عدالت میں میڈیا سے غیر رسمی گفتگو میں جناح ہاؤس حملے کی مذمت کرتے ہوئے کہا کہ پہلے بھی مذمت کی آج پھر کرتا ہوں، جو کچھ ہوا وہ نہیں ہونا چاہیے تھا۔

عمران خان کا کہنا تھا کہ دہشت گردوں کےٹھہرنے کی باتوں میں کوئی صداقت نہیں، میڈیا کو اپنا گھر کھول کردکھا دیا ہے، آخری گیند تک لڑنے والا کپتان ہوں آخری گیند تک لڑوں گا۔

پی ڈی ایم کے حوالے سے چیئرمین پی ٹی آئی نے کہا کہ پی ڈی ایم کےاقدامات اورانسانی حقوق کی خلاف ورزیوں سے صرف ملک کی بدنامی ہوئی۔۔ خوف کی فضاء میں ملک نہیں چل سکتا۔

ان کا مزید کہنا تھا کہ سات ہزارلوگوں کوگرفتار کرکے پی ڈی ایم خود پھنس گئی ہے، بنیادی حقوق ختم ہوکر رہ گئے ہیں، اب عدلیہ ہی ہے جو بنیادی حقوق کا تحفظ کر رہی ہے۔

رہنماؤں کے پارٹی چھوڑنے کے سوال پر عمران خان نے کہا جس جماعت کا ووٹ بینک ہو اُسے ہرایا نہیں جاسکتا۔۔ اتنا ووٹ بینک رکھنے والی جماعت میں کسی کےآنے جانےسے جماعت کو کوئی فرق نہیں پڑتا۔

سابق وزیر اعظم کا مذاکرات سے متعلق کہنا تھا کہ یکطرفہ مذاکرات نہیں ہوسکتے، ہم توگیارہ ماہ سے مذاکرات کی بات کر رہے ہیں۔

Comments

- Advertisement -