عمران خان نااہلی کیس: سماعت 21 اگست تک ملتوی -
The news is by your side.

Advertisement

عمران خان نااہلی کیس: سماعت 21 اگست تک ملتوی

اسلام آباد: الیکشن کمیشن نے پاکستان تحریک انصاف کے چیئرمین عمران خان کی نا اہلی کا معاملہ سپریم کورٹ میں ہونے کے باعث پارٹی کے غیر ملکی فنڈز سے متعلق کیس کی سماعت 21 اگست تک ملتوی کردی۔

تفصیلات کے مطابق الیکشن کمیشن میں عمران خان نااہلی کیس کی سماعت ہوئی۔ چیف الیکشن کمشنر کی سربراہی میں 5 رکنی بینچ نے ہاشم بھٹہ کی درخواست پر سماعت کی۔

سماعت کے آغاز پر عمران خان کے وکیل فیصل چوہدری نے کہا کہ سپریم کورٹ میں اسی نوعیت کامقدمہ زیر سماعت ہے۔ مسئلہ یہ ہے کہ ہمیں کمرہ عدالت سے باہر زیادہ مشکلات برداشت کرنا پڑتی ہیں۔ باہر کہا جاتا ہے کہ الیکشن کمیشن نے اظہار برہمی کیا۔

چیف الیکشن کمشنر نے کہا کہ دیکھنا ہوگا سپریم کورٹ میں کیس پر کیا کارروائی چلتی ہے۔ ہمارے پاس کوئی درخواست آئے تو سننا پڑتی ہے۔ کسی کے خلاف خود بات نہیں کرتے۔ یہ آپ دونوں فریقین کا مسئلہ ہے۔

ریمارکس کے بعد الیکشن کمیشن نے سپریم کورٹ میں معاملہ زیر سماعت ہونے کے باعث کیس کی سماعت 21 اگست تک ملتوی کردی۔

الیکشن کمیشن کے باہر میڈیا سے گفتگو میں فیصل چوہدری نے کہا کہ تمام مقدمات پاناما پیپرز کے کاؤنٹر بلاسٹ ہیں۔ عمران خان کو بلیک میل کرنے کے لیے مقدمات کیے جا رہے ہیں۔ عمران خان ہر معاملے کی طرح سپریم کورٹ اور الیکشن کمیشن سے سرخرو ہو کے نکلیں گے۔


Comments

comments

یہ بھی پڑھیں