The news is by your side.

Advertisement

الیکشن کمیشن کی جانب سے خط کا جواب قوم سے مذاق ہے، عمران خان

اسلام آباد : تحریک انصاف کے سربراہ عمران خان نے  کہا ہے کہ الیکشن کمیشن نے میرے خط کا جو جواب دیا ہے وہ قوم سے مذاق ہے، الیکشن کمیشن اور ن لیگ نے مل کردھاندلی کا میچ کھیلا ہے۔

تفصیلات کے مطابق بنی گالہ میں پریس کانفرنس کرتے ہوئے تحریک انصاف کےچیئر مین عمران خان الیکشن کمیشن پر برس پڑے۔

ان کا کہنا تھا کہ الیکشن کمیشن نے میرے خط کا جو جواب دیا ہے وہ قوم سے مذاق ہے،الیکشن کمیشن کے جوابی خط نے جسٹس ناصر الملک کی توہین کی ہے۔

عمران خان نے کہا کہ الیکشن کمیشن کے چار ارکان دھاندلی میں ملوث تھے، پیپلز پارٹی نے بھی الیکشن کمیشن کے صوبائی ارکان کے مستعفی ہونے کی حمایت کر دی ہے۔ دیگر جماعتوں سے بھی مشاورت کریں گے۔

انہوں نے کہا کہ بدھ کے روز ن لیگ کی تیسری وکٹ بھی گر جائے گی، عمران خان کا کہنا تھا کہ میں انصاف کے حصول کیلئے کوئی تحریک نہیں چلانا چاہتا۔ قانونی طور پر معاملات حل ہونے چاہئیں۔

ان کا کہنا تھا کہ پارلیمنٹ سمیت تمام قانونی راستے استعمال کریں گے۔ الیکشن کمیشن کے ارکان کے معاملے پر سپریم جوڈیشل کونسل میں جانے پر مشاورت جاری ہے۔

کپتان نے کہا کہ الیکشن کمیشن کی دھاندلی پر ایکشن لیا جائے تو اگلے الیکشن میں دھاندلی کرنے کی کسی میں جرآت نہیں ہوگی۔

Comments

comments

یہ بھی پڑھیں