اسلام آباد: وزیراعظم عمران خان نے معروف کاروباری شخصیت سیٹھ عابد کے انتقال پر افسوس کا اظہار کیا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں وزیراعظم نے کہا کہ سیٹھ عابد حسین کے انتقال کا سن کر بہت دکھ ہوا، وہ شوکت خانم میموریل ٹرسٹ کے ابتدائی عطیات کنندگان (ڈونرز) میں سے ایک تھے۔
اپنے ٹوئٹ میں وزیراعظم نے سیٹھ عابد کے اہل خانہ سے اظہار تعزیت کی اور صبر جمیل کی دعا کی۔
Saddened to learn of the passing of Seth Abid Hussain. He was one of the early donors of SKMT. Condolences and prayers go to his family.
— Imran Khan (@ImranKhanPTI) January 10, 2021
پاکستان کے معروف کاروباری شخصیت سیٹھ عابد 85 برس کی عمر میں گزشتہ روز انتقال کر گئے تھے، وہ کچھ عرصے سے علیل تھے، بعد ازاں سیٹھ عابد کو کراچی کے ماڈل کالونی قبرستان میں سپرد خاک کیا گیا۔