The news is by your side.

Advertisement

فضل الرحمان اوراچکزئی فاٹا انضمام میں بڑی رکاوٹ ہیں، عمران خان

پشاور: چیئرمین پی ٹی آئی عمران خان نے کہا ہے کہ فضل الرحمان اور محمود خان اچکزئی فاٹا کےانضمام میں رکاوٹ بنےہوئےہیں، ان دونوں نے عوام پرظلم کیا ہے، قیامت کی نشانی ہے کہ آصف زرداری کرپشن کی باتیں کر رہے ہیں۔

ان خیالات کا اظہار انہوں نے پشاور میں ایک بڑے جلسہ عام سے خطاب کرتے ہوئے کیا، عمران خان نے کہا کہ یہ فاٹا کے انضمام کا بہترین موقع ہے تاکہ یہاں کے لوگ بھی ترقی کریں، قبائلی علاقوں کے عوام کو بھی باقی پاکستانی شہریوں کے برابر حقوق ملنے چاہیئں۔

محمود خان اچکزئی اور مولانا فضل الرحمان نے فاٹا کے انضمام کو کیوں روکا؟ ان دونوں شخصیات نے فاٹا کے عوام پر ظلم کیا ہے، انضمام کے لیے پی ٹی آئی بھرپور کوششیں جاری رکھے گی۔

چیئرمین پی ٹی آئی کا اپنے خطاب میں کہنا تھا کہ سنا ہے پچھلے کئی روز سے آصف زرداری پشاور کے چکرلگا رہے تھے، یہ تومعجزہ ہوگیا کہ آصف زرداری کہتے ہیں کہ پشاور میں کرپشن ہے، آصف زرداری اور فریال تالپور نے مجھ پر ہرجانے کا دعویٰ کیا ہے، میں نےان کی کرپشن کو بے نقاب کیا اسی لیےان کو تکلیف ہوگئی۔

انہوں نے کہا کہ آصف زرداری کرپشن کی بات کرے یہ قیامت کی نشانی سمجھتا ہوںِ، آصف زرداری ملک کی بڑی بیماری ہیں، خوف کی زنجیریں توڑنے کیلئے سندھ جارہا ہوں، سندھ اوربلوچستان میں بھی آئندہ حکومت پی ٹی آئی کی ہوگی۔

عمران خان نے کہا کہ اسفند یار ولی نے کہا تھا کہ نوازشریف کا استعفیٰ کوئی نہیں لے سکتا، ابھی تو باری بھی نہیں آئی ہم نے پہلےہی استعفیٰ لےلیا، اسفندیار ولی بتائیں ان کی آصف زرداری سے کیادوستی ہے؟

عمران خان نے آصف زرداری اور نوازشریف پر شدید تنقید کرتے ہوئے کہا کہ ایک ہزار روپے کی چوری کرنے والا چور اور اربوں کی چوری کرنے والا ڈاکو ہوتا ہے، زرداری اور نوازشریف جیسے لوگ ملک سے پیسہ چوری کرکے محلات بناتے ہیں۔

عوام ٹیکس دیتےہیں اوریہ  ڈاکو ملک کا پیسہ چوری کرکے باہرلے جاتےہیں، پاکستان میں ایک ہزار ارب روپے سالانہ پسہ چوری ہوتا ہے، یہ پیسہ ملک میں لگے تو پاکستان کی قسمت ہی بدل جائےگی، منی لانڈرنگ کےباعث ہم آئی ایم ایف سےقرضےلیتےہیں، مقروض ملک کی دنیا میں کوئی عزت نہیں کرتا، جو بھیک مانگ کر گزاراکرتا ہے دنیا اس کی عزت نہیں کرتی۔

عمران خان کا کہنا تھا کہ نوازشریف کہتے ہیں مجھے کیوں نکالا، اقامہ طریقہ ہے پاکستان کا پیسہ چوری کرکے باہر لے جانے کا، نواز شریف کے300ارب روپے ملک سے باہر موجود ہیں، نواز شریف کوقوم کا300پیسہ چوری کرنے پر نکالا گیا، جب نشاندہی ہوتی ہے تو یہ لوگ معصوم سی شکلیں بنالیتے ہیں۔

یہ جانتے ہیں نوازشریف کو سزا ہوئی تو باہر پڑا پیسہ واپس لانا پڑے گا۔ یہ لوگ صرف اورصرف اپنا پیسہ بچانے کے لئے ڈرامہ کررہےہیں، ان لوگوں کا مقصد ہے کہ منی لانڈرنگ کیس میں سزانہ ہوجائے۔

موجودہ حکامت کے ھوالے سے عمران خان نے کہا کہ چوروں اور ڈاکوؤں کا ٹولہ حکومت پرقبضہ کرکے بیٹھا ہواہے، شاہد خاقان کی کٹھ پتلی حکومت جاتی ہے تو چلی جائے لیکن ہم جمہوریت نہیں جانے دینگے، انصاف کاراستہ روکا گیا توہم سڑکوں پر آئیں گے، ملک میں بیروزگاری کی بڑی وجہ ان ڈاکوؤں کی موجودہ حکومت ہے۔

انہوں نے کہا کہ کوئی پختونوں اور کوئی مذہب کے نام پرسیاست کرتاہے، حکومت میں ایسے لوگ بیٹھے ہیں جو صرف ڈیزل کے پرمٹ پر بک جاتے ہیں۔ بی بی مریم ایئرپورٹ پر ایسے ہاتھ ہلاتی ہیں جیسے ورلڈکپ جیت کرآئی ہیں۔

پاکستان میں کرپشن کرنےوالےکو 40 گاڑیوں کاپروٹوکول ملتاہے، بڑے چوروں کو پروٹوکول دینگے تو جیلوں میں موجود چوروں کا کیا قصورہے، ہماری حکومت آئی توبڑے ڈاکوؤں کو جیلوں میں ڈالیں گے، ہم نےملک کے ادارے مضبوط کرنے ہیں۔

Print Friendly, PDF & Email

Comments

comments

یہ بھی پڑھیں