The news is by your side.

عمران خان کا الیکشن کمیشن کیخلاف لاہور ہائی کورٹ سے رجوع

لاہور : چیئرمین پی ٹی آئی عمران خان نے الیکشن کمیشن کے خلاف لاہور ہائیکورٹ سے رجوع کرلیا اور کہا الیکشن کمیشن اختیارات سے تجاوز کرکے پارٹی عہدے سے ہٹانے کی کارروائی کر رہا ہے۔

تفصیلات  کے مطابق چیئرمین پی ٹی آئی عمران خان نے الیکشن کمیشن کیخلاف لاہور ہائیکورٹ میں درخواست دائر کردی۔

عمران خان کی جانب سے دائر درخواست میں الیکشن کمیشن کو فریق بنایا گیا ہے ، درخواست میں مؤقف اختیار کیا گیا کہ الیکشن کمیشن اختیارات سے تجاوز کرکےپارٹی عہدے سے ہٹانےکی کاروائی کر رہا ہے۔

درخواست میں کہا ہے کہالیکشن کمیشن نے چیئرمین کو عہدے سے ہٹانے کیلئے غیر قانونی نوٹس جاری کیا، الیکشن کمیشن نے 7 دسمبر 2022 کو خلاف قانون کارروائی کا آغاز کیا۔

دائر درخواست میں کہنا ہے کہ چیئرمین تحریک انصاف نے الیکشن کمیشن کے روبرو مکمل اثاثے ظاہر کر رکھے ہیں، استدعا ہے کہ
عدالت الیکشن کمیشن کی جانب سے بھیجے گئے نوٹس کو معطل کرنے کا حکم دے۔

رخواست میں استدعا کی گئی ہے کہ عدالت درخواست پر حتمی فیصلے تک الیکشن کمیشن کو کارروائی سے روکنے کا حکم دے اور الیکشن کمیشن کے خلاف قانون اقدام کی کالعدم قرار دے۔

Comments

یہ بھی پڑھیں