The news is by your side.

عمران خان پر فائرنگ کا معاملہ: محکمہ داخلہ پنجاب 5 رکنی جے آئی ٹی تشکیل دے گا

لاہور : محکمہ داخلہ پنجاب چیئرمین پی ٹی آئی عمران خان پر فائرنگ کے معاملے پر 5 رکنی جے آئی ٹی تشکیل دے گا۔

تفصیلات کے مطابق چیئرمین پی ٹی آئی عمران خان پر فائرنگ کے معاملے پر محکمہ داخلہ پنجاب 5 رکنی جے آئی ٹی تشکیل دے گا۔

ذرائع کا کہنا ہے کہ محکمہ داخلہ پنجاب کو پنجاب پولیس کی جانب سے مراسلہ موصول ہوگیا ہے ، جوائنٹ انویسٹی گیشن ٹیم کےسربراہ ریاض نذیرایڈیشنل آئی جی پنجاب ہوں گے۔

ذرائع نے بتایا ہے کہ جے آئی ٹی میں ڈی آئی جی انویسٹی گیشن پنجاب ناصرستی شامل ہیں جبکہ اے آئی جی مانیٹرنگ ،سی ٹی ڈی اور انٹیلی جنس کے نامزد کردہ افراد بھی شامل ہوں گے۔

یاد رہے ایس ایچ او تھانہ سوہدرہ امتیاز احمد کو عمران خان پر قاتلانہ حملے کے مقدمے کا تفتیشی افسر مقرر کر دیا ہے.

تھانہ سٹی وزیرآباد میں تعینات ایس ایچ او سب انسپکٹر ہیں ، اے ٹی سی مقدمےکی تفتیش انسپکٹر رینک کا افسر کرسکتا ہے۔

ملزم کو کچھ دیربعد اے ٹی سی کورٹ میں پیش کیا جائے گا، پولیس ملزم نوید کے جسمانی ریمانڈ کی استدعا کرے گی۔

گذشتہ روز عمران خان پرقاتلانہ حملےکامقدمہ پولیس کی مدعیت میں درج کیا گیا تھا، ایف آئی آرمیں فائرنگ کرنیوالے نوید ولد بشیرکو ملزم نامزد کیا گیا تھا اور قتل، اقدام قتل اور دہشت گردی کی دفعات شامل کی گئیں تھیں۔

Comments

یہ بھی پڑھیں