The news is by your side.

Advertisement

وزیر اعظم کی گورنرسندھ کو نجیب ہارون کو منانے کی ہدایت

اسلام آباد : وزیر اعظم عمران خان نے پی ٹی آئی کے مستعفی اور بانی رکن کو منانے کیلیے گورنر سندھ عمران اسماعیل کو ہدایت جاری کردی۔

تفصیلات کے مطابق وزیراعظم عمران خان نے گورنر سندھ عمران اسماعیل سے ٹیلی فونک رابطہ کیا ہے، اس حوالے ذرائع کا کہنا ہے کہ وزیر اعظم نے گورنرسندھ عمران اسماعیل کو پی ٹی آئی کے مستعفی رکن قومی اسمبلی نجیب ہارون کو منانے کا ٹاسک دیا ہے۔

ذرائع کا کہنا ہے کہ ٹیلیفونک گفتگو میں وزیر اعظم کا کہنا تھا کہ نجیب ہارون پارٹی کے بانی اراکین میں سے ہیں، ان کے گلےشکوے فوری دور کئے جائیں۔

ذرائع کے مطابق مستعفی رہنما نجیب ہارون سے پارٹی کے مختلف سینئر لوگوں نے بھی رابطہ کیا ہے اور وزیر اعظم عمران خان کا پیغام نجیب ہارون کو دے دیا گیا ہپے، گورنر سندھ عمران اسماعیل کا کہنا تھا کہ نجیب ہارون تحریک انصاف کا اثاثہ ہیں، ہرصورت میں نجیب ہارون کو منایا جائے گا۔

مزید پڑھیں : پاکستان تحریک انصاف کے بانی رکن نجیب ہارون نے استعفیٰ دے دیا

واضح رہے کہ پی ٹی آئی رکن قومی اسمبلی نجیب ہارون نے16 اپریل کو احتجاجاً استعفیٰ دیا تھا، ذرائع کے مطابق نجیب ہارون نے وزیراعظم عمران خان کا اعتماد نہ حاصل کیے جانے کی شکایت کی تھی۔

 

Comments

یہ بھی پڑھیں