تحریک انصاف کے رہنما فوادچوہدری نے کہا ہے کہ الحمدللہ قوم نےایک بارپھرعمران خان کو امیدوں کا محور ثابت کیا تمام نشستوں پرعمران خان کی واضح برتری ہے۔
اپنے ٹوئٹر بیان میں فوادچوہدری نے کہا کہ حکومت سے کہتا ہوں عوام کی خواہش کا احترام کرے حکومت فوری طور پر ملک میں نئے انتخابات کا اعلان کرے۔
انہوں نے کہا کہ حکومت سے الیکشن کے فریم ورک پر گفتگو کیلئے تیار ہیں۔
اے آر وائی نیوز سے گفتگو کرتے ہوئے فوادچوہدری نے کہا کہ ماضی میں یہ پارٹیاں الگ الگ الیکشن لڑتی تھیں ساری پارٹیوں نے عمران خان کیخلاف اتحاد کیا پھر بھی وہ بھاری پڑ رہے ہیں عام انتخابات ہوتے تو نتائج اور بھی مختلف ہوتے عوام نےاپنافیصلہ سنادیا ہےکہ فوری طورپرعام انتخابات کی طرف جائیں۔
الحمدللّٰہ قوم نے ایک بار پھر عمران خان کو اپنی امیدوں کا محور ثابت کیا، تمام نشستوں پر عمران خان کی واضع برتری ہے، حکومت اور اسٹیبلشمنٹ سے کہتا ہوں عوام کی خواہش کا آحترام کریں فوری طور پر ملک میں نئے انتخابات کا اعلان کریں حکومت سے الیکشن کے فریم ورک پر گفتگو کیلئے تیار ہیں
— Ch Fawad Hussain (@fawadchaudhry) October 16, 2022
پی ٹی آئی رہنما حماداظہر نے کہا کہ آزاد قوم نےآزادی کےحق میں بڑا فیصلہ دے دیا ہے عوام نےغلام اورمسلط حکمرانوں کو ایک بار پھر مسترد کر دیا۔
ان کا کہنا تھا کہ حکمرانوں سےکہتا ہوں عوام کے فیصلے کے سامنے سرتسلیم خم کریں حکمرانوں سےکہتاہوں نئے انتخابات کا اعلان کریں۔