بنی گالا میں سرگرمیاں تیز، عمران خان بڑے اقدامات کے لیے تیار Imran Khan
The news is by your side.

Advertisement

بنی گالا میں سرگرمیاں تیز، عمران خان بڑے اقدامات کے لیے تیار، لائحہ عمل طے کر لیا

اسلام آباد: بنی گالا میں‌ سیاسی سرگرمیاں تیز ہوگئیں، عوامی فلاح و بہبود کا پلان تیار کر لیا گیا.

تفصیلات کے مطابق حلف اٹھانے کے بعد پی ٹی آئی کے چیئرمین عمران خان کی ترجیحات کیا ہوں گی، اس ضمن میں اطلاعات موصول ہورہی ہیں.

عمران خان عوامی فلاح و بہبود کے پلان کی تیاری میں مصروف ہیں. حکومت سنبھالتے ہی بڑے اقدامات کیے جائیں‌ گے.

ساتھ ہی پی ٹی آئی کی کور ٹیم بیرون ممالک سے روابط، داخلی سیکیورٹی، خزانہ کی پالیسی کی تیاریوں‌ میں مصروف ہے.

بنی گالا سے موصول ہونے والی اطلاعات کے مطابق چیئرمین پی ٹی آئی کے کور گروپ ارکان کے ساتھ طویل مشاورت میں مصروف ہیں.

ریونیو، ٹیکس، پولیس نظام، میڈیا ریلیشن شپ کی پالیسی کی تیاری جاری ہے، ساتھ ہی بیوروکریسی ، وزارتوں ، ٹیکس اصلاحات کے محکموں میں تبدیلیوں پر غور کیا جارہا ہے.

عوامی خدمت کے محکموں میں بھی تبدیلیوں پر غور کیا جارہا ہے. اطلاعات کے مطابق 100 دن پلان کے ضروری نکات پرفوری عمل عمران خان کی ترجیحات میں شامل ہے.

پاکستان تحریک انصاف اور مسلم لیگ ق کے اتحاد کا فارمولا

پی ٹی آئی اور ق لیگ میں اتحاد کا فارمولا طے پا گیا، اسپیکرپنجاب سمیت وفاقی، صوبائی حکومت میں ق لیگ کو حصہ دیا جائے گا.

مسلم لیگ ق کو وفاقی کابینہ میں بھی شامل ہوگیا، اس ضمن میں بھی نام سامنے آگیا ہے.

ذرایع کے مطابق ق لیگ کے رکن قومی اسمبلی طارق بشیرکو وفاقی وزیر کا عہدہ دیا جائے گا، پنجاب میں ق لیگ کو اسپیکرشپ کے علاوہ ایک وزارت بھی ملے گی.


وفاق اور پنجاب میں ق لیگ کے ساتھ حکومت بنائیں گے، پی ٹی آئی کا دعویٰ


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں