The news is by your side.

Advertisement

میری جنگ ہمیشہ کرپشن کے خلاف رہی ہے: عمران خان

گذشتہ انتخابات میں ناتجربہ کاری کی وجہ سے زیادہ سیٹیں نہیں لے سکے، اس بار بھرپور تیاری سے حصہ لیں گے

اسلام آباد: چیئرمین تحریک انصاف عمران خان نے کہا ہے کہ گذشتہ انتخابات میں ناتجربہ کاری کی وجہ سے زیادہ سیٹیں نہیں لے سکے تھے، تحریک انصاف اس بار بھرپورتیاری کے ساتھ الیکشن میں حصہ لے گی.

ان خیالات کا اظہار انھوں نے سرکاری ٹی وی کو انٹرویو دیتے ہوئے کیا. ان کا کہنا تھا کہ میری جنگ ہمیشہ کرپشن کے خلاف رہی ہے.

سب سے زیادہ خیرات دینی والی پاکستانی قوم سب سےکم ٹیکس دیتی ہے

عمران خان

انھوں نے کہا کہ سچا اور کھرا لیڈرہی ملک کو ترقی کی راہ پر گامزن کرسکتا ہے، خیبرپختونخواہ میں ادارے مضبوط کئے، پولیس نظام بہترکیا.

عمران خان نے کہا کہ سروے کے مطابق خیبرپختونخواہ میں سب سےکم کرپشن ہوئی، پنجاب میں تحریک انصاف کا گراف اوپر آرہا ہے.

چیئرمین تحریک انصاف کا کہنا تھا کہ قومی اسمبلی نشستوں کے لئے 232 ٹکٹ جاری کرچکے ہیں، کے پی میں15 نئےاسپتال بنائے، پرانے اسپتالوں کواپ گریڈ کیا، میٹروبس منصوبے سے سالانہ 15 سے 20 ارب کا خسارہ ہورہا ہے.

ان کا کہنا تھا کہ ٹیکس وصولیوں میں بہتری لائے بغیر معاشی استحکام ممکن نہیں، سب سے زیادہ خیرات دینی والی پاکستانی قوم سب سےکم ٹیکس دیتی ہے، اس وقت مالیاتی خسارہ ملکی تاریخ کی بلند ترین سطح پر پہنچ چکا ہے، جس کا سدباب ضروری ہے.


این اے95میانوالی سے عمران خان الیکشن لڑنے کے لیے اہل قرار


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں