The news is by your side.

Advertisement

ملک کو بحران سے نکالنے کیلئے عمران خان مشکل فیصلے کررہے ہیں: وزیرنجکاری

واشنگٹن: وزیرنجکاری محمد میاں سومرو کا کہنا ہے کہ واشنگٹن میں بڑے امریکی سرمایہ کاروں سے ملاقاتیں کررہا ہوں، پہلے مرحلے میں حویلی بہادر شاہ، بلوکی پلانٹ کی نجکاری ہوگی۔

امریکا میں اے آر وائی نیوز سے گفتگو کرتے ہوئے وزیر نجکاری کا کہنا تھا کہ ملک کو بحران سے نکالنے کیلئے عمران خان مشکل فیصلے کررہے ہیں، امریکی سرمایہ کاروں نے پاکستان میں سرمایہ کاری کے لیے دلچسپی کا اظہار کیا۔

انہوں نے کہا کہ اسٹیل مل نجاری کے معاملے میں عدالتی فیصلے کا جائزہ لے رہے ہیں، کنونشن سینٹر اسلام آباد کی بھی نجکاری کی جائے گی۔

محمدمیاں سومرو کا کہنا تھا کہ سروس اسپتال مال روڈ لاہور کی نجکاری کے لیے رابطے ہورہے ہیں، ایس ایم ای اور فرسٹ ویمن بینک کی نجکاری کیلئے تیار ہیں۔

انہوں نے بتایا کہ او جی ڈی سی ایل سمیت حکومتی عمارتوں کی بھی نجکاری کی جائے گی، واشنگٹن میں سفارت خانے کی پرانی عمارت کی نجکاری بھی سوچ رہے ہیں۔

ان کا مزید کہنا تھا کہ مسئلہ کشمیر حل کرانے کیلئے عالمی طاقتوں کو کردار ادا کرنا ہوگا، مسئلہ کشمیر امریکی محکمہ خارجہ اور ارکان کانگریس سے ملاقاتیں ہورہی ہیں۔

Comments

comments

یہ بھی پڑھیں