site
stats
سندھ

عمران خان کا 24ستمبر کو رائے ونڈ کی طرف مارچ کا اعلان

کراچی: پاکستان تحریک انصاف کے چیئرمین عمران خان نے نواز شریف کے خلاف کرپشن کی تحقیقات نہ ہونے پر 24 ستمبر کو رائے ونڈ کے مارچ کا اعلان کردیا۔


MQM Chief is responsible for introducing… by arynews

یہ اعلان انہوں نے کراچی میں نشتر پارک کے جلسے میں کیا۔ جلسے میں ان کے ہمراہ تحریک انصاف کے رہنما فردوش شمیم نقوی، عمران اسماعیل سمیت کارکنان اور لوگوں کی بڑی تعداد موجود تھی

انہوں نے کراچی کے عوام کو مخاطب کرتے ہوئے کہا کہ کراچی کے عوام اکیلے نہیں ہیں، مجھ سمیت پورا پاکستان آپ کے ساتھ ہے،قائد متحدہ کی جانب سے پاکستان مخالف تقریر کے بعد فوری طور پر کراچی میں جلسہ کرنے کا فیصلہ کیا، کراچی کے عوامی خود کو تنہا نہ سمجھیں، کراچی فنانشل حب ہے یہ ایک عظیم شہر ہے، اس شہر کو جو خوف طاری کیا گیا تھا اگر یہ خو ف نہ ہوتا تو آج کراچی اتنا خوشحال ہوتا کہ دبئی اتنا بڑا سٹی نہ بن پاتا۔

انہوں نے کہا کہ کراچی میں مافیا کا قبضہ تھا، قتل عام ہوتا تھا، شہریوں کو خوف میں مبتلا کیے رکھا اس خوف کا خاتمہ ہوچکا ہے۔

یوم دفاع چھ ستمبر پر تیرہ سال کا تھا،  سقوط ڈھاکا بھی دیکھا، دل کرتا تھا بندوق لے کر پاکستان کے حق میں نکل آئوں، میرا پورا خاندان تقسیم کے وقت قربانیاں دے کر یہاں آیا۔

انہوں نے کہا کہ افسوس کی بات ہے کہ قائد متحدہ نے لندن میں بیٹھ کر کراچی میں قتل و غارت گری کرائی اور مہاجروں کو ہی قتل کرایا،عظیم طارق ایک بہترین آدمی تھا جسے الطاف حسین نے خطرہ سمجھتے ہوئے اسے راستے سے ہٹا دیا، را سے مل کر کراچی میں انتشار پھیلایا۔

انہوں نے کہا کہ مجھے ہندوستان کے صحافیوں نے بتایا کہ الطاف حسین کو را نے فنکشن میں شرکت کی دعوت دی اور خود بھارت میں اس کے پوسٹر لگائے،میں دس سال تک اس کے متعلق کہتا رہا آخر دس سال بعد قائد متحدہ کے منہ سے پاکستان کو تقسیم کرنے کی بات نکل آئی، ملک میں دہشت گردی متعارف کرانے کا سہرا الطاف حسین کے سر جاتا ہے۔

جب کپتان تھا اور مجھے مشکل وقت درپیش ہوتا تھا تو سب سے زیادہ پاکستان کے لیے جاوید میاں داد لڑ تا تھا جاوید میاں داد مہاجر ہیں۔

انہوں نے کہاکہ کراچی کی پولیس کو غیر سیاسی کیے بغیر کراچی میں امن ممکن نہیں، کراچی کے عوام میرے ساتھ مل کر نواز شریف کے خلاف قدم اٹھائیں، میں 24ستمبر کو رائے ونڈ کے مارچ کا اعلان کرتا ہوں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top