The news is by your side.

Advertisement

آزاد میڈیا جمہوری معاشرے کا جزو لازم ہے، عمران خان

اسلام آباد : سربراہ تحریک انصاف نے مطالبہ کیا ہے کہ صحافیوں کے قتل میں ملوث ملزمان کو جلد از جلد قرار واقعی سزا دلوائی جائے اور صحافیوں کی جان ومال کی حفاظت کو یقینی بنایا جائے، آزاد میڈیا جمہوری معاشرے کا لازمی جز ہے۔

عالمی یومِ صحافت کے موقع پر چیئرمین تحریک انصاف نے اپنے خصوصی پیغام میں کہا ہے کہ میڈیا جمہوری معاشرے میں آئین و جمہور کی بالادستی میں اہم کردار ادا کرتا ہے اور پاکستان میں جمہوریت کی بقاء و بحالی میں ہمارے میڈیا کا کردار قابل فخر ہے۔

اپنے بیان میں عمران خان کا کہنا تھا کہ پاکستان میں اہل صحافت لاتعداد چیلنجز کا سامنا کرتے آئے ہیں اور حکومتوں کی جانب سے کسی نہ کسی انداز میں میڈیا کے کردار کو محدود کرنے کی کوششیں بھی ہوتی رہی ہیں جب کہ معلومات تک بلا رکاوٹ رسائی اور میڈیا کارکنان کے جان و مال کے تحفظ جیسے چیلنجز آج بھی درپیش ہیں۔

چیئرمین تحریک انصاف نے کہا کہ ریاست کے چوتھے ستون کی حیثیت سے ہمارا میڈیا وقت کے ساتھ  ساتھ بالغ اور ذمہ دار ہورہا ہے تاہم میڈیا کو آزاد اور مؤثر بنانے کے لیے قانون سازی اور پالیسی سازی کی اشد ضرورت ہے۔

انہوں نے کہا کہ آج کے دن کی مناسبت سے تحریک انصاف میڈیا کی آزادی کے حوالے سے اپنے عہد کی تجدید کرتی ہے اور اگراقتدار میسر آیا تو میں اور میری جماعت میڈیا کے کردار میں مزید نکھار کے لیے انقلابی اقدامات اٹھائیں گے۔

عمران خان نے مزید کہا کہ ہم بہ حیثیت میڈیا کارکنان کی فلاح و ترقی اور سلامتی کے لیے بطور خاص محنت کریں گے اور صحافت کے کارزار میں جانوں کے نذرانے پیش کرنے والے شہداء کو خراج تحسین پیش کرتے ہیں۔

چیئرمین تحریک انصف نے مطالبہ کیا کہ صحافیوں کے قتل اور ان پر حملوں کے زیر التواء مقدمات کو انجام تک پہنچایا جائے اور صحافیوں کی حفاظت کے لیے راست اقدامات اٹھائے جائیں۔

Print Friendly, PDF & Email

Comments

comments

یہ بھی پڑھیں