The news is by your side.

Advertisement

ن لیگ اور پیپلزپارٹی اوورسیز پاکستانیوں کے ووٹ کے خلاف ہیں، عمران خان

مانچسٹر: چیئرمین تحریک انصاف عمران خان نے کہا ہے کہ ن لیگ اور پیپلزپارٹی اوورسیز پاکستانیوں کے ووٹ کے خلاف ہیں، امید ہے چیف جسٹس اوورسیز پاکستانیوں کو ووٹ کا موقع فراہم کریں گے۔

ان خیالات کا اظہار انہوں نے لندن میں میڈیا سے گفتگو کرتے ہوئے کیا، عمران خان نے کہا کہ اوورسیز پاکستانیوں کے ووٹ کا معاملہ سپریم کورٹ لے کر گئے، اوورسیز پاکستانی ملک کا سب سے بڑا اثاثہ ہیں۔

چیئرمین تحریک انصاف نے کہا کہ پاکستان میں کرپشن سب سے بڑا کینسر ہے، کرپشن سے ادارے تباہ ہوتے ہیں، عوام کا پیسہ ان کی جیبوں میں چلا جاتا ہے، کرپشن کے خلاف پی ٹی آئی نے آواز بلند کی دیگر جماعتوں میں کرپشن کے خلاف آواز اٹھانے کی اخلاقی جرأت ہونی چاہئے۔

انہوں نے کہا کہ یہ پہلی بار نہیں سینیٹ الیکشن میں لوگ 35 سال سے بک رہے ہیں، مجھے سینیٹ الیکشن کے لیے 45 کروڑ روپے کی آفر کی گئی تھی، الیکشن سے دو ماہ پہلے ایم پی ایز کو نکالنے سے فرق پڑے گا، سیاسی جماعتوں میں اخلاقی جرأت ہے تو اپنے بکنے والے اراکین کے نام لیں، جماعتوں نے نہیں بتایا تو میں ان لوگوں کے نام بتاؤں گا۔

عمران خان نے کہا کہ آصف زرداری اور نواز شریف سے کسی قسم کا اتحاد نہیں ہوگا، بڑے چوروں کو پروٹوکول اور غریب کی تھانے میں پٹائی ہوتی ہے، 300 ارب لوٹنے والے کو 40 گاڑیوں کا پروٹوکول ملتا ہے۔

چیئرمین تحریک انصاف نے کہا کہ نگران وزیر اعظم غیر جانبدار ہونا چاہئے، صاف و شفاف الیکشن کرانا نگراں سیٹ اپ کا مقصد ہوتا ہے، پچھلے الیکشن میں دو جماعتوں نے نگراں سیٹ اپ پر مک مکا کیا، الیکشن کے لیے نیوٹرل امپائر کی ضرورت ہے، مک مکا ہوگا تو صاف اور شفاف انتخابات کس طرح ہوں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں