برطانیہ کے بزنس ٹائیکون انیل مسرت کی وزیراعظم عمران خان سے ملاقات
The news is by your side.

Advertisement

برطانیہ کے بزنس ٹائیکون انیل مسرت کی وزیراعظم عمران خان سے ملاقات

اسلام آباد : برطانوی پراپرٹی ٹائیکون انیل مسرت نے وزیراعظم عمران خان سے ملاقات کی، جس میں 50لاکھ مکانات کی تعمیرسے متعلق مشاورت کی گئی ۔

تفصیلات کے مطابق وزیراعظم عمران خان نے 50 لاکھ مکانات کی تعمیر کے وعدے کی تکمیل کے لئے فوری اقدامات کا فیصلہ کرلیا، اس سلسلے میں وزیراعظم کی دعوت پر برطانیہ کے بزنس ٹائیکون انیل مسرت صاحبزادہ عامر جہانگیر کے ہمراہ مانچسٹر سے پاکستان پہنچے۔

وزیراعظم عمران خان سے برطانوی پراپرٹی ٹائیکون انیل مسرت کی ملاقات ہوئی، ملاقات میں انیل مسرت سے50لاکھ مکانات کی تعمیر، اوورسیز پاکستانیوں کے لیے نئی پالیسیوں اور اہم فیصلوں پر مشاورت کی۔

خیال رہے انیل مسرت برطانیہ میں پراپرٹی کے شعبے سے وابستہ ہیں اور ان کا شمار برطانیہ کی امیر ترین شخصیات میں ہوتا ہے۔

یاد رہے اس سے قبل وزیر اعظم کی زیر صدارت ہونے والے پچاس لاکھ گھر وں کی تعمیر سے متعلق اجلاس میں برطانوی بزنس ٹائیکون انیل مسرت بھی شریک تھے۔

مزید پڑھیں :  وزیراعظم 50 لاکھ مکانات کے تعمیرکی خود نگرانی کریں گے

اجلاس میں وزیراعظم عمران خان نے بےگھر افراد کو سستے گھروں کی فراہمی کے منصوبے کی اونر شپ خود لینے کا فیصلہ کیا اور کمیٹی دو ہفتوں میں حتمی سفارشات پیش کرنے کی ہدایت کی۔

واضح رہے وزیراعظم عمران خان نے تقریر میں انیل مسرت کو پاکستان بلانے کا عندیہ دیا تھا جبکہ انیل مسرت عام انتخابات کے دن بھی عمران خان کے ساتھ تھے۔

Comments

comments

یہ بھی پڑھیں