The news is by your side.

Advertisement

عوام دوست بجٹ‌ کی تیاری آخری مراحل میں داخل، عمران خان کی اہم ملاقاتیں

اسلام آباد: وزیراعظم عمران خان سے مشیر خزانہ حفیظ شیخ اور گورنر اسٹیٹ بینک رضا باقر کی ملاقات ہوئی جس میں دونوں نے آئندہ مالی سال کے لیے پیش کیے جانے والے متوقع بجٹ سے متعلق تجاویز پیش کیں، وزیراعظم نے معاشی ٹیم کو عوام دوست بجٹ بنانے کی ہدایت کردی۔

تفصیلات کے مطابق وزیراعظم عمران خان سے چئیر مین ایف بی آر شبر زیدی اور اقتصادی ماہرین نے بھی ملاقات کی، معاشی ٹیم نے وزیراعظم کو آئندہ بجٹ سے متعلق اہم تجاویز پر تفصیلی بریفنگ دی۔

نمائندہ اے آر وائی نیوز عبدالقادر کے مطابق چیئرمین ایف بی آر اور دیگر متعلقہ حکام نے بجٹ میں ٹیکس کے نفاذ اور اہداف سے متعلق وزیراعظم کو آگاہ کیا۔

وزیراعظم نے بجٹ کی تیاری اور ممکنہ حجم سے متعلق معاشی ماہرین سے بھی مشاورت کی اور انہیں غریب پر کم سے کم بوجھ ڈالنے کی ہدایت کی۔ وزیراعظم کا کہنا تھا کہ بجٹ عوام دوست اور معاشی استحکام کے پیش نظر بنایا جائے۔

مزید پڑھیں: حکومتی ترجمانوں کا اجلاس: بجٹ اجلاس میں اپوزیشن کے احتجاج سے نمٹنے پر غور

یہ بھی پڑھیں: سگریٹ پرہیلتھ ٹیکس کے نفاذ کی حتمی منظوری، بابرعطا کی تصدیق

علاوہ ازیں گورنر اسٹیٹ بینک رضا باقر، مشیر خزانہ عبدالحفیظ شیخ، اور چئیر مین ایف بی آر شبر زیدی نے بھی وزیراعظم کو مختلف تجاو یز  تجاویز کیں جن میں سے  پیشتر کی عمران خان نے منظوری دے دی۔

یاد رہے کہ حکومت گیارہ جون کو آئندہ مالی سال کا بجٹ پیش کرنے جارہی ہے، اپوزیشن کے ممکنہ احتجاج اور شوشرابے کو روکنے کے لیے وزیراعظم نے حکومتی ترجمانوں کا اجلاس بھی طلب کیا ہے۔

Comments

comments

یہ بھی پڑھیں