The news is by your side.

Advertisement

وزیراعظم عمران خان نے کینسر سے لڑنے والی ننھی پرستار کی خواہش پوری کردی

اسلام آباد: وزیر اعظم عمران خان نے ڈنمارک سے آئی ننھی پرستار سے ملاقات کر کے اُس کی دیرینہ خواہش پوری کردی۔

نمائندہ اے آر وائی عبد القادر کے مطابق علیزہ نامی بچی ڈنمارک کی رہائشی ہے اور وہ کافی عرصے سے عمران خان سے ملاقات کی کوششوں میں تھی۔

علیزہ سماجی رابطے کی ویب سائٹ پر عمران خان کے لیے نیک خواہشات کا اظہار کرتی تھی اور اُس نے متعدد بار ملنے کی خواہش کا اظہار بھی کیا۔ کپتان کی ننھی پرستار گزشتہ دنوں اپنے اہل خانہ کے ہمراہ اسلام آباد پہنچی۔

وزیر اعظم کو جب اطلاع ملی کہ اُن کی ننھی پرستار اسلام آباد میں موجود ہے تو عمران خان نے اہل خانہ کے ہمراہ علیزہ کو اپنی رہائش گاہ بنی گالہ مدعو کیا۔

مزید پڑھیں: حکومت نے نابینا شہری کی فریاد سُن لی، علاج کرانے کا اعلان

علیزہ اپنی پسندیدہ شخصیت سے ملنے کے لیے والدین کے ہمراہ بنی گالا پہنچی تو وزیراعظم نے انہیں اندر بلا لیا اور اپنی پرستار سے ملاقات کر کے اُس سے بات چیت بھی کی۔ اپنی پسندیدہ شخصیت سے ملاقات کے بعد علیزہ نے مسرت کا اظہار بھی کیا اور کپتان کے ساتھ یادگاری تصاویر بھی بنوائیں۔

کینسر سے لڑنے والی علیزہ کو عمران خان نے اپنا دستخط شدہ بلا تحفے میں دیا اور اُس کو بیماری کے خلاف لڑنے کا حوصلہ بھی دیا۔ وزیر اعظم عمران خان نے علیزہ کی جلد صحت یابی کے لیے دعا کرتے ہوئے اُسے بہادر اور باہمت بچی قرار دیا۔

Comments

comments

یہ بھی پڑھیں