اسلام آباد: تحریک انصاف کے چیئرمین عمران خان نے کہا ہے کہ واقعہ کربلا حق کے لیے استقامت اور ثابت قدمی کی عظیم مثال ہے، یومِ عاشور اور اہل بیت کی قربانی باطل سے ٹکرانے کا حوصلہ دیتی ہے۔

یوم عاشور کے موقع پر تحریک انصاف کے چیئرمین عمران خان نے پیغام دیا کہ عاشور اور اہل بیت کی قربانی سے باطل سے ٹکرانے کا حوصلہ ملتا ہے کیونکہ واقعہ کربلا حق کے لیے استقامت اور ثابت قدمی کی عظیم مثال ہے۔

انہوں نے کہا کہ حق کی خاطر حضرت امام حسینؓ نے قربانی دے کر امت کو عظیم اور روشن راہ دکھائی، اللہ تعالیٰ ہمیں اسوہ شہدائے کربلا سے سبق حاصل کرنے کی توفیق عطاء فرمائے۔

پڑھیں: یوم عاشوراسلامی تاریخ کی لازوال قربانی کی یاد دلاتا ہے‘ صدر،وزیراعظم

یاد رہے کہ ملک بھر میں آج سانحہ کربلا کی یاد میں یوم عاشور مذہبی عقیدت و احترام کے ساتھ منایا جارہا ہے، اس ضمن میں مختلف علاقوں میں تعزیتی اور ماتمی جلوس نکالنے کا اہتمام کیا گیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔