site
stats
پاکستان

منی ٹریل سے متعلق عمران خان کا جواب سپریم کورٹ میں جمع

اسلام آباد: پاکستان تحریک انصاف کے چیئرمین عمران خان نے منی ٹریل سے متعلق جواب سپریم کورٹ میں جمع کروا دیا۔ جواب میں کہا گیا ہے کہ کاؤنٹی کرکٹ کھیلنے اور آمدن کا ریکارڈ دستیاب نہیں۔ عمران خان نے کسی قسم کی کوئی منی لانڈرنگ نہیں کی۔

تفصیلات کے مطابق وکیل نعیم بخاری نے لندن فلیٹ منی ٹریل سے متعلق عمران خان کا جواب جمع کروایا۔

عمران خان کی جانب سے جمع کروائی گئی دستاویزات میں کاؤنٹی کرکٹ سے آمدن کا ریکارڈ اور مشتاق احمد کے کنٹریکٹ کی کاپی بھی شامل ہے۔

سپریم کورٹ میں جمع کروائے گئے جواب میں کہا گیا ہے کہ عمران خان وارسٹر شائر، سسکس کی طرف سے کاؤنٹی کھیلتے رہے۔ عمران خان نے 1971 سے 1988 تک کاؤنٹی کرکٹ کھیلی۔

عمران خان کا کاؤنٹی کرکٹ کھیلنے اور آمدن کا ریکارڈ دستیاب نہیں۔ انگلش کاؤنٹی کلبز تنخواہ کا 20 سال پراناریکارڈ نہیں رکھتے۔

عمران خان کے جواب میں کہا گیا ہے کہ لندن فلیٹ 1984 میں موڈ گیج کروایا گیا۔ ابتدائی رقم 61 ہزار پاؤنڈ ادا کی گئی۔ فلیٹ کی قیمت 1 لاکھ 17 ہزار پاؤنڈ تھی۔ موڈ گیج 20 سال کی تھی، رقم 1989 میں ادا کردی گئی۔

جواب میں بتایا گیا کہ کیری پیکر کرکٹ کے 75 ہزار ڈالر ملے۔ نیو ساؤتھ ویلز آسٹریلیا کے ساتھ کھیلنے کے 50 ہزار ڈالر ملے۔ کسی قسم کی کوئی منی لانڈرنگ نہیں کی۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top