site
stats
خیبر پختونخواہ

عمران خان صوبائی اسمبلی کے ناراض اراکین کو منانے میں‌ کامیاب ہوگئے

پشاور : تحریک انصاف کے ناراض اراکین صوبائی اسمبلی کی عمران خان کے ساتھ بیٹھک میں  تمام شکایات کا ازلہ کروانے کی یقین دہانی پر گلے شکوے دور ہوگئے۔

تفصیلات کے مطابق وزیر اعلیٰ ہاؤس میں ناراض اراکین اور عمران خان کے مابین ملاقات ہوئی، جس میں اراکین نے چیئرمین عمران خان کے سامنے صوبائی وزراء کی شکایات کرتے ہوئے کہا کہ کارکنان اور عوام کام کا مطالبہ کرتے ہیں اور وزراء ہماری باتوں پر دھیان نہیں دیتے۔

اراکین کے تحفظات سننےبعد چیئرمین تحریک انصاف نے وزیراعلیٰ خیبرپختونخوا پرویز خٹک سمیت تمام وزیروں کو سختی سے شکایات کا ازالہ کرنے کی ہدایت جاری کیں۔

عمران خان نے صوبائی وزیر صحت شہرام خان ترکئی کو مخاطب کرتے ہوئے کہا کہ ’’ آپ کے محکمے میں اصلاحاتی ایجنڈے پر عمل درآمد نہیں ہورہا‘‘۔ جس پر صوبائی وزیر نے اپنے محکمے میں بہتری کی یقین دہانی کروا دی۔

عمران خان نے تمام وزراء کو دفاتر میں حاضری یقینی بنانے اور عید کے بعد صوبے بھر کے دورے کر کے صوبائی حکومت کے ترقیاتی منصوبوں سے آگاہ کرنے کی ہدایت کردی ہے، تحفظات دور ہونے کے بعد ناراض اراکین نے عمران خان کا شکریہ ادا کیا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top