عمران خان انتخابات میں فتح کے قریب ہیں، برطانوی اخبار
The news is by your side.

Advertisement

عمران خان انتخابات میں فتح کے قریب ہیں، برطانوی اخبار

لندن : برطانوی اخبار کا کہنا ہے کہ بدھ کو ہونے والے عام انتخابات میں عمران خان فتح کے قریب ہیں، عمران خان اقتدار میں آئے توانہیں معاشی بحران، سیاسی عدم استحکام سے اپنی وکٹ بچانی ہوگی۔

تفصیلات کے مطابق برطانوی اخبار کا کہنا ہے کہ پاکستان میں 25 جولائی کو ہونے والے انتخابات میں پاکستان تحریک انصاف کے سربراہ عمران خان فتح کے قریب ہیں۔

اخبار کا کہنا ہے کہ عمران خان زیرقیادت پی ٹی آئی کا مخلوط حکومت بنانے کا پچھترفیصد چانس ہے، اگر عمران خان اقتدار میں آئے تو انہیں معاشی بحران، سیاسی عدم استحکام سے اپنی وکٹ بچانی ہوگی۔

یاد رہے اس سے قبل پاکستان تحریک انصاف کے سربراہ عمران خان نے برطانوی میڈیا کو انٹرویو دیتے ہوئے کہا تھا کہ انتخابات میں کامیابی کا یقین ہے، جب تک آخری بال نہ پھینک دی جائے میچ ختم نہیں ہوتا، وزیراعظم منتخب ہوا تو کرپشن اور غربت کے خلاف مہم چلاؤں گا۔


مزید پڑھیں :  انتخابات میں کامیابی کایقین ہے،عمران خان


خیال رہے کہ  تحریک انصاف نے اپنی ممکنہ حکومت کے ابتدائی سو روز سے متعلق ترجیحات کا اعلان کر چکی ہے، معیشت کی بحالی، تعلیم، صحت، زرعی ایمرجنسی کپتان کے پلان کا حصہ ہیں۔

واضح رہے کہ پاکستان کی تاریخ میں پہلی بار مسلسل تیسری مرتبہ انتقال اقتدار کا مرحلہ جمہوری طریقے سے آگے بڑھ رہا ہے اور الیکشن کا انعقاد 25 جولائی کو ہونے جارہے ہیں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں