عمران خان کی تقریب حلف برداری: ورلڈ کپ کی فاتح ٹیم کو مدعو کیے جانے کا امکان Imran Khan
The news is by your side.

Advertisement

عمران خان کی تقریب حلف برداری: ورلڈ کپ کی فاتح ٹیم کو مدعو کیے جانے کا امکان

اسلام آباد: عمران خان کی تقریب حلف برداری میں 1992 ورلڈ کپ کی فاتح ٹیم کو مدعو کیے جانے کا امکان ہے.

تفصیلات کے مطابق پی ٹی آئی چیئرمین نے اپنی قیادت میں ورلڈ کپ جیتنے والی ٹیم کو وزیراعظم کی تقریب حلف برداری میں بلانے کا فیصلہ کیا ہے.

پارٹی ذرایع کے مطابق عمران خان تقریب میں اپنے پرانے ساتھی کی موجودگی کے خواہش مند ہیں. پی ٹی آئی چیئرمین نے اس ضمن میں سینیٹر فیصل جاوید کو ہدایات جاری کر دی ہیں.

سینیٹر فیصل جاوید نے فاتح ٹیم کے کھلاڑیوں سے رابطے رابطے شروع کر دیے ہیں.

یاد رہے کہ عمران خان کی قیادت میں پاکستان نے 1992 کے ورلڈ کا ٹائٹل اپنے نام کیا تھا. فائنل میں‌پاکستان نے انگلینڈ‌ کو شکست دی تھی.


کپتان کے کپتان کی گواہی: انتخاب عالم نے عمران خان کو فائٹر قرار دے دیا


واضح رہے کہ عمران خان کی الیکشن میں کامیابی کے بعد کئی لیجنڈ کرکٹرز نے بنی گالا میں‌ عمران خان سے ملاقات کی اور انھیں جیت کی مبارک باد دی.

بنی گالا آنے والے کھلاڑیوں‌ میں‌ وسیم اکرم، وقار یونس، مشتاق احمد، انضمام الحق اور دیگر کھلاڑی شامل ہیں.

اب اطلاعات موصول ہو رہیں ہی کہ ورلڈ‌کپ کی فاتح ٹیم تقریب حلف برداری کا بھی حصہ بنے گی.ٍ

Comments

comments

یہ بھی پڑھیں