آف شور کمپنی کیس، عمران خان کو جواب جمع کرانے کیلئے مزید مہلت مل گئی -
The news is by your side.

Advertisement

آف شور کمپنی کیس، عمران خان کو جواب جمع کرانے کیلئے مزید مہلت مل گئی

اسلام آباد : سپریم کورٹ نے آف شور کمپنی کیس میں عمران خان کو جواب جمع کرانے کیلئے مزید مہلت دیدی، آئندہ ہفتے چیف جسٹس کی سربراہی میں قائم بنچ درخواستوں کی سماعت کرے گا۔

تفصیلات کے مطابق سپریم کورٹ میں عمران خان اور جہانگیر ترین کی نااہلی سے متعلق کیس کی سماعت ہوئی، عمران خان کے وکلاء نعیم بخاری اور انور منصور نے کہا حامد خان کی معذرت کے بعد گزشتہ روز ہی ان کی خدمات حاصل کی گئی ہیں، جواب جمع کرانے کا وقت دیا جائے۔

سپریم کورٹ نے پی ٹی آئی کے وکلاء کی استدعا منظور کرتے ہوئے عمران خان کو جواب جمع کرانے کیلئے وقت دیدیا، آئندہ ہفتے چیف جسٹس کی سربراہی میں قائم بنچ درخواستوں کی سماعت کرے گا۔


مزید پڑھیں : عمران خان کی لیگل فرم نے آف شور کمپنی کے الزامات کو مسترد کردیا


سماعت کے بعد درخواست گزار لیگی رہنما حنیف عباسی سپریم کورٹ سے باہر آئے، میڈیا سے گفتگو میں حنیف عباسی کا کہنا تھا کہ جو بنی گالہ سے نیچے نہیں اترے وہ خونی انقلاب کیا لائیں گے، عمران خان کو بے نقاب کرتے رہیں گے۔

دوسری جانب سپریم کورٹ میں عمران خان اور جہانگیر ترین کے خلاف نا اہلی کی درخواستوں کی سماعت کے دوران ن لیگ کے رہنما حنیف عباسی کی درخواست پر وفاق اورالیکشن کمیشن کو نوٹس جاری کردیا گیا۔

مسلم لیگ ن کے رہنما حنیف عباسی نے اثاثے چھپانے پرعمران خان اور جہانگیر ترین کی نا اہلی کے خلاف الیکشن کمیشن اور سپریم کورٹ میں درخواستیں دائر کر رکھی ہیں، سیکیورٹیز اینڈ ایکسچینج کمیشن آف پاکستان کی جانب سے گزشتہ روز سپریم کورٹ کو بتایا گیا کہ جہانگیر ترین کو غیر قانونی طریقے سے تجارت کے ذریعے پیسہ بنانے کے 8 سال پرانے کیس میں مجرم قرار دیا گیا تھا، جس میں انہوں نے 7 کروڑ روپے واپس کر دیئے ہیں۔

Comments

comments

یہ بھی پڑھیں