The news is by your side.

Advertisement

ڈاکو اب اسمبلی میں نہیں، جیلوں میں‌ جائیں گے: عمران خان

سوات: پاکستان تحریک انصاف کے چیئرمین عمران خان نے کہا ہے کہ اللہ کا شکرگزارہوں، ڈاکو اب اسمبلی میں نہیں، جیلوں میں‌ جائیں گے.

ان خیالات کا اظہار انھوں نے ایون فیلڈ کا فیصلہ آنے کے بعد سوات میں جلسے سے خطاب کرتے ہوئے کیا۔

ضیا دور میں نوازشریف اورشہباز شریف نے لوگوں کوخریدنا شروع کیا، چھانگا مانگا میں سیاست دان بھیڑ بکریوں کی طرح بکے

عمران خان

چیئرمین پی ٹی آئی نے کہا کہ سیاست میں اس لیے آیا تھا کہ بڑھتی کرپشن ملک کوپیچھے لے جارہی تھی، بھارت سے پاکستان آتا تھا تو لگتا تھا، غریب سے امیر ملک آگیا ہوں۔

عمران خان کا کہنا تھا کہ پاکستان ہرمیدان میں آگے تھا، تمام شعبوں میں ترقی کر رہا تھا، کرپشن شروع ہوئی تو پاکستان آگےجانے کے بجائے پیچھے چلا گیا۔

ان کا کہنا تھا کہ ضیا دور میں نوازشریف اورشہباز شریف نے لوگوں کوخریدنا شروع کیا، چھانگا مانگا میں سیاست دان بھیڑ بکریوں کی طرح بکے، چھانگا مانگا کی خریداری کے بعد کرپشن ملک بھرمیں پھیلی.

انھوں نے کہا کہ سیاست شروع کی تو پہلا آدمی تھا، جس نےکرپشن کی بات کی، 1998 میں مے فیئرفلیٹس کے سامنے مظاہرہ کیا، میں مے فیئرفلیٹس پر1998 سے بات کررہا تھا، زرداری اورنوازشریف نے کرپشن کرکے ادارے تباہ کیے.

انھوں نے کہا کہ 22 سال پہلے جو جدوجہد شروع کی تھی، آج ایک طاقتورکو نظام نے سزا دی، طاقتور ڈاکوؤں کو پاکستانی ادارے نہیں پکڑسکتے تھے.

پی ٹی آئی کے سربراہ نے کہا کہ قرضوں کی بڑی وجہ کرپشن ہے، انسانوں پرپیسہ خرچ نہیں ہوتا، میگا پروجیکٹس میں میگا کرپشن ہوتی ہے، اب 26 جولائی کو نئے پاکستان کا سورج نکلے گا.


سابق وزیر اعظم نواز شریف کو دس سال قید کی سزا


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں