The news is by your side.

Advertisement

پی ٹی آئی کا چیئرمین نادرا کے خلاف پٹیشن دائر کرنے کا فیصلہ

عمران خان کی بابراعوان کوپٹیشن تیارکرنے کی ہدایت

اسلام آباد: پاکستان تحریک انصاف نے چیئرمین نادرا کے خلاف پٹیشن دائر کرنے کا حتمی فیصلہ کرلیا۔

تفصیلات کے مطابق پی ٹی آئی چیئرمین نادرا عثمان یوسف مبین کے خلاف پٹیشن دائر کرے گی، عمران خان نے بابراعوان کو پٹیشن تیارکرنے کی ہدایت کر دی۔

پارٹی ذرایع کے مطابق پی ٹی آئی کی جانب سے یہ پٹیشن الیکشن کمیشن میں دائر کی جائے گی، جس میں الیکشن کمیشن سے چیئرمین نادرا کی برطرفی کا مطالبہ کیا جائے گا۔

پٹیشن میں موقف اختیار کیا جائے گا کہ نادرا نے حساس معلومات لیک کیں، جس کے مدد سے مسلم لیگ ن پری پول ریگنگ کا ارادہ رکھتی ہے.

یاد رہے کہ پی ٹی آئی چیئرمین نادرا کو ہٹانے کے لئے پہلے بھی چیف الیکشن کمشنر سردار رضا کو خط لکھ چکی ہے، البتہ اس ضمن میں‌ جب کوئی اقدام نہیں‌ ہوا، تو پٹیشن دائر کرنے کا فیصلہ کیا گیا.

یاد رہے کہ گذشتہ کچھ عرصے سے یہ خبر گردش کر رہی ہے کہ چیئرمین نادرا نے ن لیگ کو الیکشن جتوانے کے لیے ڈیٹا فراہم کیا ہے.

ذرایع بھی اس خبر کی تصدیق کرتے ہیں، جس کے پیش نظر پی ٹی آئی چیئرمین نے عمران خان کی بابراعوان کوپٹیشن تیارکرنے کی ہدایت کی ہے.


دعا کریں آئندہ برس عید نئے پاکستان میں میسرآئے‘ عمران خان


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں