site
stats
پاکستان

کرپشن نے پاکستان کوابترحالت میں پہنچا دیا‘ عمران خان

اسلام آباد : پاکستان تحریک انصاف کےسربراہ عمران خان کاکہناہےکہ انتہا درجے کی بدانتطامی اورکرپشن نے پاکستان کوابترحالت میں پہنچا دیا۔

تفصیلات کےمطابق سماجی رابطے کی ویب سائٹ ٹویٹر پرچیئرمین تحریک انصاف عمران خان نے اپنے پیغام میں کہاکہ وفاقی وزیرخزانہ اسحاق ڈار وزیراعظم کے لیے منی لانڈرنگ کا اعتراف کرچکے ہیں۔حکومت منی لانڈرنگ پر کیسے قابو پائے گی؟۔

پاکستان تحریک انصاف کے سربراہ عمران خان نے اپنی ایک اور ٹویٹ میں کہاکہ ملک بدانتظامی اور کرپشن کی وجہ سے ملک زیرگردش قرضوں کےجال میں پھنس گیا ہے۔

یاد رہےکہ گزشتہ روز ’انٹرنیشنل نارکوٹکس کنٹرول اسٹریٹجی کے نام سے شائع ہونے والی امریکی محکمہ خارجہ کی رپورٹ میں ٹریڈ بیسڈ منی لانڈرنگ کو ایسے طریقہ کار کے طور پر ظاہر کیا گیا ہے جس کے ذریعے ملزمان قانونی کاروبار کو استعمال کرکے اپنے غیرقانونی ذرائع کو تحفظ دیتے ہیں۔

واضح رہےکہ امریکی محمکہ خارجہ کی رپورٹ کےمطابق ایسے ہی طریقوں کے ذریعے پاکستان کو بھی سالانہ 10 ارب ڈالر سے زائد کا نقصان ہو رہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top