اسلام آباد : پاکستان تحریک انصاف کے سربراہ کا کہنا ہے کہ اسحاق ڈارکاوارنٹ گرفتاری کےباوجودمستعفی نہ ہونا افسوسناک ہے، حکمران طبقے کی اخلاقیات کا جنازہ نکل چکا ہے۔
تفصیلات کے مطابق پی ٹی آئی کے چیئرمین عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ اسحاق ڈار کا وارنٹ گرفتاری کے باوجود مستعفی نہ ہونا افسوسناک ہے، اسحاق ڈار کے خلاف منی لانڈرنگ، فراڈ کی تحقیقات ہورہی ہیں۔
Shocking how Finance Min Dar refuses to resign in the wake of his arrest warrant & despite being investigated for money laundering & fraud
— Imran Khan (@ImranKhanPTI) September 20, 2017
عمران خان نے اپنے ٹوئٹ میں کہا کہ مہذب معاشرےمیں کیاکوئی شخص ڈھٹائی سےعہدےسےچمٹارہ سکتاہے، حکمران طبقےکی اخلاقیات کاجنازہ نکل چکا ہے۔
In no civilised society could a man cling so shamelessly to power. This shows a complete collapse of ethics morality in our ruling elite. https://t.co/aGPiqYBBhW
— Imran Khan (@ImranKhanPTI) September 20, 2017
مزید پڑھیں : اسحق ڈارکے تمام اثاثے منجمد
گذشتہ روز وزیر خزانہ اسحاق ڈار کے تمام بینک اکاؤنٹس منجمد کردیئے گئے تھے اور تمام جائیداد کی خرید و فروخت اور منتقلی پر پابندی عائد کردی تھی۔
نیب نے بینکوں کو ہدایت دی ہے کہ اسحق ڈار کے اکاؤنٹس میں موجود تمام رقم کہیں منتقل نہیں ہوسکتی انہیں منجمد کردیا جائے، اگر کسی ادارے نے بھی قانون کی خلاف ورزی کی تو اس کے خلاف سخت کارروائی عمل میں لائی جائے گی۔
اس سے قبل وزیر خزانہ اسحاق ڈار کے خلاف احتساب عدالت نے اثاثہ جات کیس میں وارنٹ گرفتاری وزارت داخلہ کو بھیج دیئے، اسحاق ڈار نے نیب ریفرنس پر ضمانت قبل از گرفتاری کروانے کا فیصلہ کر لیا ہے۔
