The news is by your side.

Advertisement

خواجہ آصف نے وزارت خارجہ کا استعمال کرکے منی لانڈرنگ کی،عمران خان

اسلام آباد : پاکستان تحریک انصاف کے سربراہ عمران خان کا کہنا ہے کہ خواجہ آصف نے وزارت خارجہ کااستعمال کرکےمنی لانڈرنگ کی، ایسے سنگین اقدامات سے جمہورہت کونقصان پہنچا۔

تفصیلات کے مطابق چیئرمین پی‌ ٹی آئی عمران خان نے سماجی رابطے کی ویب سائٹ ٹوئٹر پر خواجہ آصف نااہلی کیس کی سماعت مکمل ہونے پر ردعمل کا اظہار کرتے ہوئے کہا کہ خواجہ آصف کیس کی روزانہ سماعت پرعدالت کو مبارکباد دیتاہوں، سماعت کےنتیجے میں حقائق بالکل واضح اور آشکار ہوچکے ہیں، خواجہ آصف نےغیرملکی کمپنی سے16لاکھ ماہانہ وصول کئے۔

عمران خان کا کہنا تھا کہ خواجہ آصف بطوروزیرغیرملکی کمپنی میں بطورسکلڈ ورکرتنخواہ داررہے، خواجہ آصف نے ہفتے میں6 دن روزانہ 8گھنٹےکام کا معاہدہ کیا، خواجہ آصف کےبےنامی اکاؤنٹس کا بھی انکشاف ہواہے، خواجہ آصف نیویارک میں اہلیہ کےاکاؤنٹ میں رقم ٹرانسفرکرتے رہے۔

سربراہ تحریک انصاف نے کہا کہ خواجہ آصف نےوزارت خارجہ کااستعمال کرکے منی لانڈرنگ کی منی لانڈرنگ کی اور وہ مفادات کے ٹکراؤ کے قصور وار بھی ہیں، حیران کن بات ہے متعلقہ ادارے کارروائی میں ناکام رہے، خواجہ آصف کیخلاف حقائق8ماہ پہلے سامنے آگئے تھے۔

ایک اور ٹوئٹ میں ان کا کہنا تھا کہ عوامی مفاد کے تحفظ کی ذمہ دارپارلیمنٹ بھی ایکشن میں ناکام رہی، خواجہ آصف کی اپنی جماعت کی قیادت نےکوئی کاروائی نہیں کی، ن لیگ کی قیادت خودایسےہی کاموں میں ملوث تھی، ن لیگ نےبھی کچھ نہیں کیاکیونکہ قیادت نے یہی جرائم کئےہیں۔

چیئرمین پی ٹی آئی نے کہا ایسے سنگین اقدامات سے جمہورہت کونقصان پہنچا، مغرب میں اراکین پارلیمنٹ کےایسے جرائم کو برداشت نہیں کیا جاتا، بھارت میں کوئی وزیرایسا کرتا تو اسے برداشت نہ کیا جاتا، یہ سب کچھ پاکستانی جمہوریت کا افسوسناک پہلو ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں