جے آئی ٹی پراعتراض تلاشی دینے سے بچنے کی کوشش ہے، عمران خان imran-khan
The news is by your side.

Advertisement

جے آئی ٹی پراعتراض تلاشی دینے سے بچنے کا حربہ ہے، عمران خان

اسلام آباد : پاکستان تحریک انصاف کے سربراہ عمران خان نے کہا ہے کہ حسین نواز کا جے آئی ٹی پراعتراض بلا جواز اور خود کو بچانے کی ناکام کوشش ہے۔

تفصیلات کے مطابق چیئرمین تحریک انصاف عمران خان نے حسین نواز کی جانب سے جے آئی ٹی کے اراکین پر اعتراض بے بنیاد اور تحقیقات سے بچنے کے لیے حربہ قرار دیتے ہوئے کہا کہ شریف خاندان اصل تلاشی سے گھبرا رہا ہے۔


یہ پڑھیں :حسین نواز نے جے آئی ٹی کے اراکین پر اعتراض اٹھا دیا


پیپلز پارٹی کے سابق رکن قومی اسمبلی نورعالم کی تحریک انصاف میں شمولیت کے موقع میڈیا سے گفتگو کرتے ہوئے عمران خان نے کہا کہ حسین نواز کے بجائے ہمیں جے آئی ٹی پر اعتراض ہونا چاہیئے تھا کیوں کہ جے آئی ٹی کے اراکین جن اداروں سے تعلق رکھتے ہیں وہ سب وزیراعظم کے ماتحت آتے ہیں۔

قبل ازیں سماجی رابطے کی ویب سائٹ ٹوئٹ پر بھیجے گئے اپنے ایک پیغام میں عمران خان کا کہنا تھا کہ حسنی نواز نے جے آئی ٹی میں موجود اسٹیٹ بینک آف پاکستان اور سیکورٹی ایکسچینج کمیشن آف پاکستان سے تعلق رکھنے والے دو اراکین پر اعتراضات اُٹھائے ہیں۔

انہوں نے کہا کہ جے آئی ٹی پر اعتراض تو ہمیں ہونا چاہیے کیوں کہ تمام اراکین جن جن اداروں سے تعلق رکھتے ہیں وہ ادارے وزیراعظم کے ماتحت آتے ہیں جب کہ وزیر خزانہ اسحاق دار کا حلفیہ بیان بھی موجود ہے۔

Comments

comments

یہ بھی پڑھیں