The news is by your side.

Advertisement

سو دن کا منشور پی ٹی آئی کی سمت کا تعین کررہا ہے۔ عمران خان

اسلام آباد : پاکستان تحریک انصاف کے چیئرمین عمران خان نے کہا ہے کہ ہم نے سو دن کا منشور دے دیا ہے، اور یہ منشور ہماری سمت کا تعین کررہا ہے، ہم نے کے پی میں 5سال حکومت کر کے سیکھا ہے۔

ان خیالات کا اظہار انہوں نے اسلام آباد میں ایک تقریب سے خطاب کرتے ہوئے کیا، عمران خان نے کہا کہ شیریں مزاری نے زبردست پریزنٹیشن دی، پی ٹی آئی کے الیکشن سیل کو مبارکباد دیتا ہوں، 22سال ہوگئے، پہلی دفعہ اتنی تیاری سے جارہے ہیں، سچ بتاؤں، پہلےالیکشن میں بالکل تیار نہیں تھے۔

چیئرمین پی ٹی آئی نے کاہ کہ ہم نے100دن کا منشور دے دیا ہے ہمارے پاس کے پی میں حکومت کا تجربہ ہے، وفاقی حکومت مل جاتی تو ہماری ایسی تیاری نہ ہوتی، ہم نے کے پی میں 5سال حکومت کرکے سیکھا ہے۔

سو دن کا پلان تحریک انصاف کی سمت بتارہا ہے، تحریک انصاف کا نظریہ وہی ہے جو پاکستان بنانے والوں کا تھا، جانوروں میں جس کی لاٹھی اس کی بھینس کا اصول ہوتا ہے، انسانی معاشرے میں انصاف اور رحم ہوتا ہے، انسانی معاشرے میں دیکھا جاتا ہے کہ غریب کیسے زندگی گزار رہے ہیں، مدینہ کی ریاست تاریخ کی بہترین مثال ہے۔

عمران خان نے کہا کہ ہم بھول جاتے ہیں کہ ہمارے بزررگوں نے پاکستان بنا یاکیوں تھا، پاکستان کے خواب کو شرمندہ تعبیر کرنا ہوگا، مجھے کیوں نکالا بتاتا ہے کہ ہمارا معاشرہ کتنا نیچے چلا گیاہے۔

ایک سال میں دو ارب ڈالر قرضہ لیا جاتا تھا وہ ایک ماہ میں لے لیا گیا، پچھلی حکومتوں نے قرضے چڑھائے، واپس کرنے کی سکت نہیں، 8لاکھ لوگ ملک میں ٹیکس دےکر20کروڑ کا بوجھ اٹھا رہے ہیں، امیر اور امیر بن گئے اور نیچےغریبوں کا سمندر بنتا جارہا ہے۔

سربراہ تحریک انصاف  نے مزید کہا کہ سو دن کے پلان کا مقصد حکومت کی تمام پالیسیاں بنانا ہے، سو دن کے پلان میں سوا3کروڑ سرکاری اسکولوں کے بچوں کی تعلیم پر توجہ دینی ہے، مدارس کے25لاکھ بچوں کو اعلیٰ تعلیم دینی ہے، مدارس کے بچوں کو بھی ڈاکٹر بنانا ہے، ہم نے نچلے طبقے کو اوپر لانا ہے، بیورو کریسی کو غیرسیاسی کیا جائے گا، سرکاری اسپتالوں کو ٹھیک کرنے گئے تو مافیا کا سامنا کرنا پڑا۔

Comments

comments

یہ بھی پڑھیں