The news is by your side.

Advertisement

ن لیگ تباہ ہوتے دیکھ رہا ہوں، کالاباغ ڈیم کیلئے سب کا اتفاق ضروری ہے، عمران خان

اسلام آباد : تحریک انصاف کے چیئرمین عمران خان نے کہا ہے کہ مسلم لیگ(ن) کو تباہ ہوتے دیکھ رہا ہوں،کالاباغ ڈیم بنانے کیلئے سب کا اتفاق ضروری ہے۔

یہ بات انہوں نے ایک نجی ٹی وی چینل کو انٹرویو دیتے ہوئے کہی، عمران خان کا کہنا تھا کہ وزیراعظم اور وزراء کی کرپشن ملک کوتباہ کردیتی ہے، پاکستان کو درپیش تمام مسائل کے پیچھے کرپشن ہے، ملکی قرضہ 6ہزارارب سے27ہزارارب تک پہنچ گیا ہے، ملک کاپیسہ کہاں گیا؟ آج بچہ بچہ مقروض ہے، ہمیں قرضوں میں ڈبو دیا گیا ہے، قوم غریب اور حکمرانوں کے بچے راتوں رات امیر ہوگئے۔

ایک سوال کے جواب میں ان کا کہنا تھا کہ اکنامک پلان ابھی سے تیار کرنا شروع کردیا ہے، پلان یہ کررہے ہیں کہ پہلے سو دنوں میں ہمیں کیا کرنا ہے؟

عمران خان نے کہا کہ تبدیلی لیڈر لاتا ہے، وزیراعظم بنا تو پی ایم ہاؤس استعمال نہیں کروں گا، ہم وزیراعظم ہاؤس کو اعلیٰ تعلیم کا مرکز اور گورنر ہاؤس کو پبلک پارک اور گیسٹ ہاؤس بنائیں گے،90دن میں کرپشن ختم کرسکتے ہیں، کرپشن ختم کرنی ہے تو اوپر سے ختم کریں۔

انہوں نے کہا کہ زرداری یا نوازشریف کے مل کر حکومت بنانے سےبہتر ہے کہ ہم اپوزیشن میں رہیں، انشااللہ ہمیں کسی سےاتحاد کی ضرورت نہیں پڑےگی، بلاول بھٹواورزرداری کو عوام کے مسائل کا علم نہیں۔

چیئرمین پی ٹی آئی نے کہا کہ دھرنے سے لوگوں کو اپنےحقوق کا پتا چلا،20سال سے لوگوں کو کہہ رہاہوں کہ کرپشن ہی اصل مسئلہ ہے، پاناما کے بعد لوگوں کو میری بات سمجھ میں آئی، پاناما کیس نے بتایا کہ حکمران منی لانڈرنگ کیسے کرتے ہیں، عوام آج جان چکے ہیں منی لانڈرنگ کیا ہوتی ہے، کرپشن کے ذریعے تعلیم، صحت اور اسپتالوں پر لگنے والا پیسہ ملک سے باہر منتقل ہوا۔

انہوں نے کہا کہ مسلم لیگ (ن) کو تباہ ہوتے دیکھ رہا ہوں، ن لیگ کانظریہ کرپشن ہے، پہلے دو بھائی فیصلے کرتے تھے،اب ان کے بچےآگئے ہیں، ن لیگ میں کوئی کسی کو ٹکٹ دے رہا ہے تو کوئی کسی کو، بادشاہت کے اثرات سامنے آرہے ہیں۔

مزید پڑھیں: پی ٹی آئی مقبوضہ کشمیر میں مظالم کے خلاف ہر فورم پر آواز اٹھائے گی، عمران خان

ایک سوال کے جواب میں عمران خان نے کہا کہ پاکستان پانی کے شدید بحران کا شکار ہے، ہم نئی واٹرپالیسی لے کرآئیں گے، کالا باغ ڈیم متنازع ڈیم ہے تاہم کالا باغ ڈیم بنانے کیلئے تمام صوبوں اور سیاسی جماعتوں کا اتفاق ضروری ہے، ہمیں عوام سےسچ بولناچاہیے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں