پاکستان تحریک انصاف کے چیئرمین عمران خان کی گرفتاری کے بعد لاہور سے پی ٹی آئی کے کارکنوں کو بھی گرفتار کیا جارہا ہے۔
تفصیلات کے مطابق پاکستان تحریک انصاف کے چیئرمین اور سابق وزیر اعظم عمران خان کو رینجرز نے گرفتار کرلیا، تاہم اب لاہور سے پی ٹی آئی کارکنوں کی گرفتاری بھی شروع ہوگئی ہے۔
عمران خان کو گرفتار کر لیا گیا
عمران خان کی گرفتاری کے بعد سرینگر ہائی وے پر احتجاج کرنیوالے کارکنان کو گرفتار کیا جا رہا ہے دوسری جانب پی ٹی آئی کارکنان نے احتجاج کرتے ہوئے کینال روڈ کے دونوں جانب کو ٹریفک کیلئے بند کردیا ہے۔
اسلام آباد:
آئی جی اسلام آباد کا کہنا ہے کہ حالات معمول کے مطابق ہیں اور اسلام آباد میں دفعہ 144 نافذ ہے اگر کسی نے خلاف ورزی کی تو کارروائی کی جائے گی۔
پشاور:
تحریک انصاف نے خیبر پختونخوا میں شاہراہیں بند کرنے کا فیصلہ کیا ہے، ضلعی صدر و پی ٹی آئی رہنما اشتیاق ارمڑ نے کہا کہ عمران خان کی رہائی تک سڑکوں پر دھرنا دیا جائیگا، کارکن مشتعل ہیں، گرفتاری غیر قانونی ہے۔
