وزیراعظم کرپشن کے ساتھ عدالت کو بھی دھوکہ دیا، عمران خان imran-khan
The news is by your side.

Advertisement

وزیراعظم کواڈیالہ جیل میں دیکھ رہا ہوں، یہی شریف خاندان کا آخری ٹھکانہ ہے، عمران خان

اسلام آباد : چیئرمین تحریک انصاف عمران خان نے کہا ہے کہ نوازشریف کااستعفیٰ نہیں مانگ رہا بلکہ میں تو انہیں اڈیالہ جیل میں دیکھ رہا ہوں۔

وہ پریس کانفرنس سے خطاب کر رہے تھے انہوں نے کہا کہ جمہوریت میں جواب دینا ہوتا ہے اور جن کے پاس کوئی عوامی عہدہ ہوتا ہے وہ قوم کے جوابدہ ہوتے ہیں۔

عمران خان نے وزیراعظم کو مخاطب کرتے ہوئے کہا ہے کہ نوازشریف آپ کے پاس وقت کم ہے مجھے اور اداروں کو دھمکیاں مت دیں اسطرح آپ کی پریشانی اور بڑھے گی۔

سربراہ تحریک انصاف نے کہا کہ نوازشریف کااستعفیٰ نہیں مانگا بلکہ مطالبہ کررہا ہوں کہ انہیں اڈیالہ جیل میں ڈالا جائے اور مجھے اس وقت یہ سارے اڈیالہ جیل کے امیدوار لگ رہے ہیں، کرپشن اپنی جگہ لیکن یہ لوگ چوری کا پیسہ باہربھیج کرملک کو زیادہ نقصان پہنچا رہے ہیں۔

انہوں نے کہا کہ شریف خاندان نے کرپشن اور منی لانڈرنگ ہی نہیں کی بلکہ سپریم کورٹ میں جعلی دستاویزات جمع کراکے عدالت کو گمراہ کرنے کی بھی کوشش کی ہے جس کی سزا کم سے کم سات سال قید ہے۔

عمران خان نے کہا کہ شریف خاندان ہمیشہ انہی حربوں سے قوم کو بے وقوف بنانے کی کوشش کرتے ہیں لیکن آج کا دور انٹرنیٹ کا دور ہے یہی وجہ ہے کہ کل رات ہی دستاویزات میں جعل سازی کوسوشل میڈیا نے بےنقاب کر دیا تھا۔

قبل ازیں انہوں نے سماجی رابطے کی ویب سائٹ ٹوئٹر پر دیئے گئے اپنے ایک پیغام میں کہا کہ شریف خاندان نے کرپشن اور منی لانڈرنگ کے علاوہ ایک اور سنگین جرم کے مرتکب ہوئے ہیں‌ اور وہ جرم سپریم کورٹ میں جعلی دستاویزات جمع کرانا ہے۔

اپنی ایک اور ٹیوٹ میں بات کو جاری رکھتے ہوئے سربراہ تحریک انصاف کا کہنا تھا کہ شریف خاندا قوم کو بے وقوف سمجھتی ہے۔

عمران خان نے کہا کہ جعلی دستاویزات جمع کرا کے وہ سمجھ رہے تھے کہ ایک بار پھر قوم کو بے وقوف بنا لیں گے حالانکہ اب ایسے لغو اقدامات کی وجہ سے قوم کو زیادہ عرصے تک بے وقوف نہیں بنایا جا سکتا۔

Comments

comments

یہ بھی پڑھیں