عمران خان انتشاراورکشیدگی کی سیاست کو فروغ دے رہے ہیں،راناتنویر -
The news is by your side.

Advertisement

عمران خان انتشاراورکشیدگی کی سیاست کو فروغ دے رہے ہیں،راناتنویر

شیخوپورہ : وفاقی وزیر برائے دفاعی پیداوار رانا تنویر کا کہناہے کہ عمران خان انتشار اور کشیدگی کی سیاست کوفروغ دے رہے ہیں۔

تفصیلات کےمطابق صوبہ پنجاب کے شہر شیخوپورہ میں میڈیا سے بات کرتے ہوئے وفاقی وزیربرائے دفاعی پیداوار رانا تنویر حسین کا کہناتھا کہ عمران خان نے ایک بار پھر پاناما پیپرز پر یوٹرن لیا ہے۔

رانا تنویر حسین کا کہناتھا کہ تحریک انصاف کے سربراہ عمران خان نے قومی اسمبلی میں پاناما پیپرز کی تحقیقات کے لیے انکوائری کمیشن کا مطالبہ کیا تھا۔

وفاقی وزیر برائے دفاعی پیداوار رانا تنویر حسین کا کہناتھا کہ تحریک انصاف کے سربراہ عمران خان پانامالیکس کیس میں وزیراعظم نوازشریف کے خلاف ثبوت فراہم کرنے میں ناکام رہے ہیں۔

یاد رہے کہ گزشتہ روزوزیر مملکت برائے اطلاعات و نشریات مریم اورنگزیب نے کہا تھا کہ پاکستان مسلم لیگ نواز کی حکومت کے لیے پاناما پیپرز اسکینڈل کبھی نہ خطرہ تھا،نہ ہے اور نہ ہی آنے والے وقت میں ہوگا۔

مزید پڑھیں:پانامالیکس کیس کی سماعت جنوری کے پہلے ہفتے تک ملتوی

واضح رہے کہ پانامالیکس سے متعلق کیس میں سپریم کورٹ آف پاکستان نے سماعت جنوری کے پہلے ہفتے تک ملتوی کردی تھی ۔

Comments

comments

یہ بھی پڑھیں