The news is by your side.

Advertisement

عدالت نےعمران خان کو پانچ ارب کے ہرجانے کی درخواست پر دوبارہ نوٹس جاری کردیا

اسلام آباد: اسحاق ڈارکےبیٹےکے پانچ ارب ہرجانےکےدعوے پر عدالت نےعمران خان کو دوبارہ نوٹس جاری کردیا،عدالت نے عمران خان کو اٹھارہ جون کے لیے نوٹس جاری کردیا.

تفصیلات کے مطابق عمران خان کے خلاف علی مصطفی ڈار نےپانچ ارب روپے ہرجانے کا دعویٰ دائر کررکھا ہے، اسلام آباد کے ایڈیشنل جج راجہ خرم نے درخواست کی سماعت کی.

درخواست گذار کی جانب سے موقف اختیار کیا گیا ہے کہ پانامالیکس پرپریس کانفرنس میں جھوٹےالزامات لگائےگئے،عمران خان نے یواےای میں غیرقانونی جائیدادکاالزام لگایا،عمران خان کے الزامات میڈیامیں بھی رپورٹ ہوئے ہیں.

علی مصطفی ڈار کا نے درخواست میں موقف اختیار کیا ہے کہ عمران خان ان سے معافی مانگیں یا قانونی چارہ جوئی کو تیار رہیں.

عدالت نے چیئرمین پی ٹی آئی عمران خان کواٹھارہ جون کےلیےدوبارہ نوٹس جاری کردیا.

یاد رہے اس سے قبل گذشتہ ماہ وفاقی وزیر خزانہ اسحاق ڈار کے بیٹے علی مصطفی ڈار کی جانب سے بے بنیاد الزامات لگانے پر عمران خان کے خلاف پانچ ہرب کا ہرجانے کی درخواست دائر کی تھی.

درخواست میں موقف اختیار کیا گیا تھا کہ عمران خان 14دنوں میں معافی مانگیں ورنہ قانونی چارہ جوئی کے لیے تیار رہیں.

واضح رہے کہ ایڈیشنل سیشن جج راجہ خرم نے پاکستان تحریک انصاف کے چیئرمین عمران خان کو 9 جون تک کے لیے جواب طلب کیا تھا.

Print Friendly, PDF & Email

Comments

comments

یہ بھی پڑھیں