The news is by your side.

Advertisement

تین بارکے منتخب وزیراعظم نے عدالت میں شرمناک بیان دیا، عمران خان

اسلام آباد : تحریک انصاف کے چیئرمین عمران خان نے کہا ہے کہ 3بار کے منتخب وزیراعظم نے منی لانڈرنگ سے متعلق عدالت میں شرمناک بیان دیا اور آج وہ قطری خط سے بھی دستبردار ہوگیا۔

ان خیالات کا اظہار انہوں نے سماجی رابطے کی ویب سائٹ ٹوئٹر پر اپنے پیغام میں کیا، عمران خان کا کہنا تھا کہ سپریم کورٹ اور جے آئی ٹی میں دوسال پر محیط وقت اور عوام کے ٹیکسوں کا پیسہ ضائع کرنے کے بعد نواز شریف کو منی لانڈرنگ کے حق میں ایک مضحکہ خیز ترکیب سوجھی ہے، نوازشریف نے عدالت میں قطری خط سے بھی انکارکردیا۔

چیئرمین پی ٹی آئی نے کہا کہ نوازشریف منی لانڈرنگ کیلئے مضحکہ خیزوضاحتیں دے رہے ہیں، کتنے شرم کا مقام ہے کہ تین مرتبہ وزیر اعظم بننے والا شخص احتساب عدالت میں کہتا ہے کہ ایون فیلڈ (لندن) جائیدادیں اس کے بیٹوں کی ہیں مگر وہ نہیں جانتا کہ ان کی خریداری کیلئے ان کے پاس پیسا کہاں سے آیا۔

نواز شریف کے مطابق ان کے بیٹے برطانوی شہری ہیں جن پر پاکستانی قانون لاگو نہیں ہوتا، اس کا مطلب تو یہ ہوا کہ (اسحٰق ڈار اور نواز شریف کی طرح) کوئی بھی چوری کرکے پیسہ اور بچے دونوں باہر بھجوا دے اور معصوم سی شکل بنا کر کہہ دے کہ اسے نہیں معلوم بچوں کے پاس پیسہ کہاں سے آیا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں